ESTER 6:13 - KITTA' MATANGKASA'

¹³ Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

ESTER 6:13 Iomraidhean Croise

PA'JARIANG 24:66

Nampa nacaritamo anjo suroa mae ri Ishak sikamma apa le'baka nagaukang.

PA'JARIANG 40:19

Lalang tallungngalloa anne, lanasuroi karaenga taua ansamballei kallonnu sa'genna tassa'la' ulunnu. Nampa nagentung kalennu ri se'reang benteng, sa'genna battu jangang-janganga angkanrei dagennu.”

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

AYUB 15:24

Balaya rapangi karaeng porea, sadiami ero' ambakkai.

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PANGNGEBARANG 28:18

Tau tenaya callanna lalang tallasa'na lasalamaki. Tau a'lekko-lekkoa tallasa'na, latu'guruki.

DANIEL 2:12

Nalangngere'na anjo kammaya teaimi sipato' larrona karaenga; naparentakammi sollanna nibuno kabusu' sikontu tau cara'de' niaka ri Babel.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

ZAKHARIA 2:12

Sikalipi pole Yehuda la'jari nipatang nisa'laka untu' Batara ri butta matangkasa'Na, siagang Yerusalem la'jari kota kaminang NikarimangnginNa.

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.