ESTER 6:12 - KITTA' MATANGKASA'

¹² Le'baki anjo ammotere'mi Mordekhai mange ri pakke'bu' lompona balla' karaenga. Mingka anjo Haman, akkaro-karomi ammotere'. Taerokai nicini' ri tau jaia lanri sanna' siri'-siri'na. Jari nabombo'mi rupanna.

ESTER 6:12 Iomraidhean Croise

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

1 KARAENG-KARAENG 20:43

Ammotere'mi karaenga mange ri Samaria. Sanna' lussa'na siagang sanna' larrona pa'mai'na.

1 KARAENG-KARAENG 21:4

Lussa'mi siagang larromi pa'mai'na karaenga nalangngere'na anjo kananna Nabot ri ia. Ammotere'mi nampa anra'ba ri katinroanna taeroka assaile siagang taerokai angnganre napakamma.

1 KARAENG-KARAENG 21:6

Appialimi Ahab angkana, “Tena nasannang pa'maikku ri Nabot. Kupalaki ri ia sollanna ero' ambalukangi koko anggoro'na ri nakke, yareka kusambei koko anggoro' maraeng punna anjo nakaeroki, mingka teai!”

2 PATTOTTORANG 26:20

Sanna'mi ta'bangkana Azarya siagang imang-imang maraenga anciniki anjo kammaya, nampa pila' nasuromo Uzia sollanna nabokoi Balla'Na Batara. Akkaro-karomi Uzia assulu' lanri nihukkummi ri Batara.

ESTER 2:19

Na ilalanna anjo wattua niangka'mi Mordekhai ri karaenga a'jari pagawe.

ESTER 6:11

Mangemi Haman angngallei anjo pakeanga siagang jaranga, nampa napipakei anjo Mordekhai siagang anjo pakeanga. Le'baki nai' Mordekhai ri anjo jaranga, a'lampami Haman anrurungangi siagang tau jaia allalo ri paranna kotaya. Akkiok-kio'mi angkana, “Ciniki, kammaminne carana karaenga ambilang lompoi tau napakala'birika!”

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

AYUB 9:24

Napassareangi Allata'ala buttaya mae ri tu dorakaya, siagang Napa'jari buta ngasemmi sikamma hakinga. Kammaminjo Nagaukang ngaseng Allata'ala, punna tena naIa, inai pole anggaukangi kammaya?

1 SAMUEL 3:15

Le'baki anjo attinromi pole Samuel. Na ri wattu bari'basa'na ambangummi siagang nasungkemi sikamma pakke'bu' Balla'Na Batara. Mallaki ampauangi Eli anjo apa le'baka nacini'.