ESTER 6:10 - KITTA' MATANGKASA'

¹⁰ Nampa nakanamo karaenga ri Haman, “Lintakko, allemi anjo pakeanga siagang jaranga, nampa nusare anjo sikamma pappakalala'birika mae ri Mordekhai, anjo tu Yahudia. Gaukammi sangkamma anjo nupaua sumpadeng, teako kurangngi manna sike'de'. Akkullei nubuntulu' sitabang ammempo kamma-kamma anne ri dallekang pakke'bu' lompona balla' karaenga.”

ESTER 6:10 Iomraidhean Croise

2 KARAENG-KARAENG 10:10

Iaminne buttina angkanaya sikontu apa le'baka Napau Batara ri passala'na ana' cucunna Ahab lakajariang kabusuki. Nagaukammi Batara apa le'baka Napau tete ri atanNa iamintu Elia.”

ESTER 6:11

Mangemi Haman angngallei anjo pakeanga siagang jaranga, nampa napipakei anjo Mordekhai siagang anjo pakeanga. Le'baki nai' Mordekhai ri anjo jaranga, a'lampami Haman anrurungangi siagang tau jaia allalo ri paranna kotaya. Akkiok-kio'mi angkana, “Ciniki, kammaminne carana karaenga ambilang lompoi tau napakala'birika!”

ESTER 6:9

Se're tumalompona pa'rasanganga, ia battua ri golongang karaenga, musti ampipakei anjo tau eroka kipakala'biri'. Nampa nierang anjo taua nirurungang ri taua andongkoki jaranna karaenga allalo ri parang lompona kotaya. Anjo tumalompona pa'rasanganga la'jappai ri dallekanna akkiok-kio' angkana, ‘Kammaminne batena karaenga ambilang lompoi tau napakala'birika!’ ”

PAMMUJI 31:24

Mangngaiko ri Batara, he, sikontu umma'Na, Najagai Batara tu tamamminraya. Mingka Nahukkungi tu tampoa tena napassanggai Nahukkung.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’