ESTER 6:1 - KITTA' MATANGKASA'

¹ Anjo memang bangngia takkulleai attinro karaenga. Jari nasuro allemi kitta' catatang riwaya'na kakaraenganga nampa nasuro baca ri taua.

ESTER 6:1 Iomraidhean Croise

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

ESTER 10:2

Sikontu anjo panggaukang lompona siagang hebaka, kammayatompa yangasenna riwaya'na ri passala' antekamma batena naangka' Mordekhai a'jari tau tinggi pangka'na, niaki nicata' lalang ri kitta' riwaya'na sikamma karaeng-karaeng Persia siagang Media.

ESTER 2:21

Ri se'reang allo, ri wattunna nagaukang tugasa'na Mordekhai, nia'mo rua pagawe kalenna karaenga, iamintu niarenga Bigtan siagang Teres, assikongkoloki ero' ambunoi Karaeng Ahasyweros, lanri sanna' birisi'na ke'nanga ri ia.

ESTER 2:22

Naassengi Mordekhai anjo rancanana ke'nanga, siagang linta'mi napauang Ester anjo passalaka. Akkaro-karomi Ester ancaritai ri karaenga anjo apa naassenga Mordekhai.

ESTER 2:23

Nisalidikimi anjo passalaka, nampa a'nyatamo angkana kammatojengi anjo kabaraka. Nihukkummi iamintu mate nigentummi anjo tau ruaya. Situru' parentana karaenga, nicata'mi anjo kajarianga antama' ri kitta' riwaya' kakaraenganga.

ESTER 5:8

“Punna kierokangi karaeng anturukiangi pappala'na atanta, kuminasai nakibattu pole siagang Haman ri parjamuang lakupareka pole ammuko ri bangngia. Lalampi ri anjo parjamuanga nakupauangki' pappalakku ri katte.”

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

DANIEL 2:1

Ri se'reang bangngi, ruan taung ammarentana Karaeng Nebukadnezar, asso'nami. Anjo so'nana sanna' napakalussa'na nyawana, sa'genna takkullea tinro napakamma.

DANIEL 6:18

Le'baki anjo nisareimi se're batu lompo bawana anjo leanga; nasitempele'mi karaenga anjo batua siagang sitempele' karaeng kammayatompa sitempele'na sikamma tumalompoa, sa'genna tena manna sitau akkulle allappassangi Daniel battu ri anjo singa-singaya.

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?