ESTER 5:11 - KITTA' MATANGKASA'

¹¹ Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

ESTER 5:11 Iomraidhean Croise

PA'JARIANG 31:1

Nalangngere'mi Yakub akkana kamma anne ana'-ana'na Laban, “Naallemi Yakub sikamma pa'barang-baranganna bapatta. Yangasenna anjo kakalumanynyanganna sangnging barang-barang battu ri bapatta.”

ESTER 1:4

Annambulang sallona napappicini'-cinikang karaenga kakalumanynyangnganna ri balla' karaenga siagang kalompoang kakaraenganna.

ESTER 3:1

Siapa are wattu ribokoanganna angngangka'mi Karaeng Ahasyweros sitau kapala pamarenta, iamintu niarenga Haman. Anjo Haman, ana'na Hamedata, turungang battu ri Agag.

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

PAMMUJI 49:6

Tena kumalla' ri wattu kasukkarranga, ri wattungku nikatulung ri musu ja'dalaka.

PAMMUJI 49:7

Anjo ke'nanga kakalumanynyangnganna napattoang, siagang napattampo-tampoang pa'barang-baranganna.

PAMMUJI 52:9

“Iaminjo tau tenaya naero' a'la'lang mae ri Allata'ala, mingka kakalumanynyangnganna alla'bia narannuang siagang a'boya amang ri barang narampasaka.”

YESAYA 10:8

Lanapa'borroangi kalenna, na nakana, “Sikamma panglimaku sangnging karaeng!

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

MARKUS 10:24

Lannasa'mi ana'-ana' gurunNa allangngereki anjo apa Napaua Isa. Mingka Nakanamo pole Isa, “Ana'-anakKu, sukkara' memangi taua a'jari umma'Na Allata'ala!

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.