ESTER 5:1 - KITTA' MATANGKASA'

¹ Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

ESTER 5:1 Iomraidhean Croise

ESTER 1:11

Nasuromi ke'nanga angngerangi Ratu Wasti battu ri dallekanna nanapake songko' kakaraenganga ri ulunna. Anjo ratua teai sipato' ga'gana, nampa ero' napappicini'-cinikang kaga'ganna anjo bainenna mae ri sikamma tumalompoa siagang sikamma toananna.

ESTER 2:5

Anjoreng ri kota Susan, nia' se're tu Yahudi niareng Mordekhai, ana'na Yair. Ia turungang battu ri Kis siagang Simei, battu ri suku Benyamin.

ESTER 4:11

“Sikamma taua, baji' nabura'ne yareka baine, ia tenaya nanisuro kioki nampa mange andallekang ri karaenga lalang ri parang lakkenna balla' karaenga, musti nihukkung matei. Anjo undang-undang, siagang sikontu taua appakkaramula battu ri tumailalanna karaenga sa'genna mae ri ra'yaka ri sikontu propinsia, naasseng ngasengi anjo passalaka. Se'reji bawang cara nakkulle ta'lappasa' taua battu ri anjo undang-undanga, iamintu punna napajonjo takkang bulaenna karaenga mae ri anjo taua. Punna kamma anjo, lasalamaki. Mingka nia'ma' sibulang anne tale'baka nakio' karaenga.”

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

ESTER 4:17

Nampa a'lampamo Mordekhai anggaukangi anjo apa napappasangnganga Ester ri ia.

ESTER 6:4

Akkuta'nammi karaenga angkana, “Inai pagaweku nia' kamma-kamma anne ri balla' karaenga?” Anjo wattua sitabangi beru antama Haman ri parang lakkenna balla' karaenga; eroki appala' ising ri karaenga untu' anggentungi Mordekhai ri anjo tampa' panggentungang le'baka napaenteng.

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

MATIUS 27:64

Jari suro jagai baji'-baji' anjo jeraka sa'genna tallungalloa, sollanna tena nabattu ana'-ana' gurunNa allukkaki maya'Na, nampa nakabarrang angkana attallasa' poleammi battu ri kamateanga. Na anne pannipuang ri boko dudua lakodiangangi na pannipuang rioloa.”

LUKAS 22:30

Lanri kammana, akkulle tommako amminawang a'rannu-rannu siagang iNakke ri wattungKu a'jari Karaeng. Siagang lammempo ngaseng tommako irate ri sampuloa anrua empoang kala'birang, untu' ammarenta ri sampuloa anrua bansa Israel.”

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.