ESTER 4:6 - KITTA' MATANGKASA'

⁶ Jari a'lampami Hatah mange ri Mordekhai niaka ri paranna kotaya, ri dallekang pakke'bu' lompona balla' karaenga.

ESTER 4:6 Iomraidhean Croise

ESTER 4:3

Kammayatompa ri sikontu daera propinsia, appiraung ngasemmi nalangngere'na nipa'la'bang parentana karaenga. Appuasami ke'nanga, angngarru' siagang akkunrareng, siagang jaimi ri ke'nanga ammake kaeng karung siagang attinro rate ri aua.

ESTER 4:5

Nampa nakio' Ester tu niarenga Hatah, kalase'renna tunisuroa ri karaenga allayani Ester. Nasuroi Hatah mange ampakkuta'nangngangi ri Mordekhai angkana apamo kajariang siagang angngapa na'gau' kamma anjo.

ESTER 4:7

Nacaritami Mordekhai ri ia apa kajarianga siagang angkana siapa jaina doe' pera' le'baka napa'janjiang untu' napantama' ri pammolikang doe'na karaenga, punna le'ba'mo naputta sikontu tu Yahudia.

ESTER 7:2

Lalang angnginunna anggoro', akkuta'nammi pole karaenga ri Ester angkana, “Jari kamma-kamma anne ratuku, apa nukaeroki? Paumi! Mattantu lakusareangko, manna bageruanna kakaraengangku nupala'”

ESTER 9:12

Nakanamo karaenga ri Ratu Ester, “Ri Susan bawang nania' 500 tau nabuno tu Yahudia, antama' tommi sampuloa anrua ana'na Haman. La'biangampa ri propinsi-propinsia! Apa aremi kutadeng nagaukang ke'nanga anjoreng! Jari, kamma-kamma anne, apa pole nupala'? Pau mami, mattantu lanugappai!”