ESTER 4:5 - KITTA' MATANGKASA'

⁵ Nampa nakio' Ester tu niarenga Hatah, kalase'renna tunisuroa ri karaenga allayani Ester. Nasuroi Hatah mange ampakkuta'nangngangi ri Mordekhai angkana apamo kajariang siagang angngapa na'gau' kamma anjo.

ESTER 4:5 Iomraidhean Croise

ESTER 1:10

Ri makatujuna alloa, angnginung-nginummi karaenga siagang sanna' sikali rannuna. Lanri kammana nakio'mi tujua palayang untu' kalenna. Ia arenna ke'nanga iamintu Mehuman, Bizta, Harbona, Bigta, Abagta, Zetar, siagang Karkas.

ESTER 1:12

Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

ESTER 4:10

Mingka nisuromi ammotere' ri Ester mange ri Mordekhai, ansuro pabattui anne pasanga angkana,

ESTER 4:4

Ri wattunna napabattu sikamma tuloloa siagang palayang allayaniai Ester mae ri ia anjo apa nagaukanga Mordekhai, a'jari si'na sikalimi pa'mai'na Ester. Akkirimmi pakeang mae ri Mordekhai untu' ansambei kaeng karunna, mingka taerokai Mordekhai antarimai.

ESTER 4:6

Jari a'lampami Hatah mange ri Mordekhai niaka ri paranna kotaya, ri dallekang pakke'bu' lompona balla' karaenga.

ESTER 4:9

A'lampami Hatah mange ri Ester nampa napabattu anjo pasanna Mordekhai mae ri ia.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

FILIPI 2:4

Parhatikangi kaparalluanna tau maraenga; teako kaparalluang kalennu bawang nuparhatikang.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!