ESTER 4:4 - KITTA' MATANGKASA'

⁴ Ri wattunna napabattu sikamma tuloloa siagang palayang allayaniai Ester mae ri ia anjo apa nagaukanga Mordekhai, a'jari si'na sikalimi pa'mai'na Ester. Akkirimmi pakeang mae ri Mordekhai untu' ansambei kaeng karunna, mingka taerokai Mordekhai antarimai.

ESTER 4:4 Iomraidhean Croise

PA'JARIANG 37:35

Sikontu ana'na, baji' bura'ne yareka bainea battu ngasemmi ansaleori, mingka taerokai nisaleori. Nakanamo, “Sa'gengku mate tuli lakukarrukinna anjo anakku.” Kammaminjo tuli susana lanri ana'na Yusuf.

2 KARAENG-KARAENG 9:32

Accongami Yehu nai' ri tujunna tontonganga, na nakana, “Inai agang mae ri nakke?” Nalangngere'na anjo sa'ra kammaya, nia'mo rua yareka tallu pagawe balla' karaenga attoa' naung.

ESTER 1:12

Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

ESTER 4:3

Kammayatompa ri sikontu daera propinsia, appiraung ngasemmi nalangngere'na nipa'la'bang parentana karaenga. Appuasami ke'nanga, angngarru' siagang akkunrareng, siagang jaimi ri ke'nanga ammake kaeng karung siagang attinro rate ri aua.

ESTER 4:5

Nampa nakio' Ester tu niarenga Hatah, kalase'renna tunisuroa ri karaenga allayani Ester. Nasuroi Hatah mange ampakkuta'nangngangi ri Mordekhai angkana apamo kajariang siagang angngapa na'gau' kamma anjo.

PAMMUJI 77:2

Assa'ra lompoa' akkio' mae ri Allata'ala; assa'ra lompoa' akkio', na napilangngeria'.

YESAYA 56:3

Bansa maraeng asse'rea mae ri umma'Na Batara takkulleai angkana, “Tena Napa'bianga' Batara anynyomba ri Ia siagang umma'Na.” Tau tamanaka takkulleai appikkiri' angkana, “Inakke takkullea' a'jari anggota umma'Na Batara, saba' takkulleama' anggappa katurunang.”

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

LAMPA-LAMPANA 8:27

A'lampami Filipus. Anjo wattua nia' sitau pagawe balla' lompoa ri Etiopia, sitabang lalang pa'lampanna ammotere' mange ri pa'rasanganna. Anjo taua pagawe tinggi, anta'galakai sikontu pa'barang-baranganna Kandake, karaeng bainea ri Etiopia. Anjo taua battumi ri Yerusalem, untu' anynyomba ri Allata'ala. Na anjo wattua ammotere'mi siagang ratei a'dongko' ri karetana. Lalang ammempona rate ri karetana, sitabangi nabaca Kitta'na Na'bi Yesaya.

1 SAMUEL 8:15

Kokonnu siagang koko anggoro'nu lanapitabai sima, iamintu bage sampulona battu ri wassele'na, nampa napassareang mange ri sikamma perwira tantarana siagang sikamma pagawena.