ESTER 4:13 - KITTA' MATANGKASA'

¹³ Jari akkirimmi pappakainga' Mordekhai mae ri Ester angkana, “Teako pikkiriki angkana lala'bi amangko na tu Yahudi maraenga lanri nukanana kaikau ammantangko ri balla' karaenga!

ESTER 4:13 Iomraidhean Croise

ESTER 4:12

Napabattumi Hatah anjo pasanna Ester mae ri Mordekhai.

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

YOHANES 12:25

Inai-nai angkarimangngi katallassanna, iami latappela' katallassanna. Mingka inai-nai angkabirisi katallassanna ri anne linoa, iami angkarimangngi katallassanna, la'jari katallassang satunggu-tunggua sallang.

FILIPI 2:30

Sike'deki mate lanri kaparalluang jama-jamanNa Almasi; nabotorimi nyawana lanri ero'na antulunga' lalang arennu ngaseng.

IBRANI 12:3

Alle sai pikkiri' antekamma sessaNa Isa andallekangi sikamma tu dorakaya sannaka batena angngewa mae ri Ia! Lanri kammana, teako la'ba pa'maiki siagang teako tappu' panrannuangi.