ESTER 3:6 - KITTA' MATANGKASA'

⁶ Na ri wattunna naasseng angkana tu Yahudi anjo Mordekhai, angngallemi kaputusang untu' anghukkungi Mordekhai. Ba'lalo teai iaji bawang, mingka lanapa'la'busu' tongi sikontu tu Yahudi niaka ri kakaraenganna Persia.

ESTER 3:6 Iomraidhean Croise

EZRA 4:6

Ri pakaramula pamarentahanna Karaeng Ahasweros, annulisiki sura' musu-musunna pandudu' Yerusalem siagang Yehuda. Anjo suraka, sura' kabaratang.

ESTER 9:25

Mingka andallekangi Ester ri karaenga, nampa appasulu'mo sura' parenta, sa'genna a'jarimo anjo rancana ja'dalaka Haman nataba kalenna. Sa'genna iami siagang sikamma ana' bura'nena nigentung ri pa'gentunganga.

PAMMUJI 83:4

Appareki rancana cara'de' untu' angngewai ummatTa; assikongkoloki ke'nanga angngewai sikamma tau Kijagaia.

PAMMUJI 83:5

Nakana ke'nanga, “Umba niancuruki bansa Israel, sollanna nikaluppai arenna ke'nanga.”

YEREMIA 33:24

“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”