ESTER 3:11 - KITTA' MATANGKASA'

¹¹ Nakana karaenga ri ia, “Anjo bansaya siagang doe'na kupassareangi mae ri kau. Gaukammi apa nukanaya baji' mae ri ke'nanga.”

ESTER 3:11 Iomraidhean Croise

ESTER 3:10

Nalangngereki karaenga anjo, nabi'bu'mi cincinna battu ri karemenna, ia napake untu' ansitempeleki sikamma sura' nipa'la'bang assaya, nampa napassareang mae ri Haman. Anjo Haman, iami musu lompona tu Yahudia.

ESTER 3:12

Jari tanggala' sampulo antallu bulang se're, nakioki Haman sikamma juru tulisi'na karaenga. Nampa nasuro ke'nanga annulisi' sura' situru' sikamma apa naparentakanga mae ri ke'nanga. Nampa nipalemba anjo bonena suraka antama' ri sikontu bahasa niaka nipake ri anjo pa'rasanganga; siagang nitulisi' tommi antama' ri tulisang niaka nipake ri sikontu anjo pa'rasanganga. Anjo suraka nitulisiki lalang arenna Karaeng Ahasyweros nampa nisitempele' siagang cincinna. Le'baki anjo nikirimmi linta' mange ri sikamma tau anna'galaka koasa, guburnur, siagang tumalompoa ri sikontu daera propinsia. Ia bonena anjo suraka, iamintu angkanaya ri tanggala' sampulo antallu bulang Adar, sikontu bansa Yahudi, baji' natoa yareka rungka, baji' nabaine yareka ana'-ana', musti nibuno ngasengi, takkulleai nipammopporang. Nampa sikontu barang-baranna ke'nanga musti nirampasaki.

PAMMUJI 73:7

Tattumpai kaja'dallanga battu lalang ri atinna ke'nanga; sibuki ke'nanga a'rancana kaja'dallang.

YEREMIA 26:14

Ri sesena kalengku, memang niakka' lalang kakoasannu siagang akkullei nugaukang situru' apa nukaerokia mae ri kalengku.

YEREMIA 40:4

Kamma-kamma anne kulappassangi anne passikkoka battu ri limannu siagang kupakabebasakko. Punna erokko, akkulleko amminawang mange ri Babel, siagang lakuparakaiko. Mingka punna teako, tena todong nangngapa-apa. Ri sikontu anne pa'rasanganga laluasako a'lampa manna kemae nukaerokia.”

LUKAS 23:25

Nanilappassammo anjo tau napalaka ke'nanga, iamintu tau nitarungkua passabakkang apparicua ri kotaya siagang passabakkang pammunoang. Nampa nipassareang Isa mae ri ke'nanga sollanna appanggaukang ke'nanga mae ri Ia situru' ero'na ke'nanga.