ESTER 3:1 - KITTA' MATANGKASA'

¹ Siapa are wattu ribokoanganna angngangka'mi Karaeng Ahasyweros sitau kapala pamarenta, iamintu niarenga Haman. Anjo Haman, ana'na Hamedata, turungang battu ri Agag.

ESTER 3:1 Iomraidhean Croise

PA'JARIANG 41:40

Ikaumi lakuangka' a'jari guburnur, siagang sikontu ra'yakku lamannuruki ri parentanu. Inakkeji bawang la'bi koasa irateangannu.”

PA'JARIANG 41:55

Ri wattunna appakkaramulamo ra'yaka ri Mesir naalle cipuru', appala'mi ke'nanga apa lanakanrea mae ri karaenga. Nampa nisuromo ke'nanga ri karaenga mange ri Yusuf. Naturukimi ke'nanga sikontu apa naparentakanga Yusuf mae ri ke'nanga.

EZRA 7:14

Nasaba' inakke siagang tuju tumailalangku assuroko a'lampa mange ri Yerusalem untu' amparessai kaadaanna siagang anciniki apaka anjo HukkunNa Allata'ala nipappirannuanga ri kau, ma'nassa nituruki tojenji.

ESTER 1:14

Ia tumailalang kaminang masarroa nikio' ri karaenga iamintu: Karsena, Setar, Admata, Tarsis, Meres, Marsena, siagang Memukan. Anne ke'nanga sangnging tumailalang ri Persia siagang Media, kaminang tinggia pangka'na lalang ri kakaraenganga.

ESTER 3:10

Nalangngereki karaenga anjo, nabi'bu'mi cincinna battu ri karemenna, ia napake untu' ansitempeleki sikamma sura' nipa'la'bang assaya, nampa napassareang mae ri Haman. Anjo Haman, iami musu lompona tu Yahudia.

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

ESTER 7:6

Appialimi Ester angkana, “Iaminne Haman ja'dala' siagang musu ansessayai ikambe!” Sanna'mi malla'na Haman anciniki karaenga siagang ratua.

ESTER 8:3

Le'baki anjo, andallekammi pole Ester ri karaenga. Su'juki nampa angngarru' ampalaki ri karaenga sollanna napattaena anjo rancana ja'dala' le'baka napare' Haman mae ri tu Yahudia.

PAMMUJI 12:8

Tu ja'dalaka a'la'bangi a'lampa kemae-kemae, nipakalompoi kaja'dallanga ri inai-nai tau. Mingka iKatte a'la'langi ikambe, o, Batara, Kijagaimi ikambe battu ri sikamma anjo tu ja'dalaka.

PANGNGEBARANG 29:2

Punna tau adele' ammarenta, rannui ra'yaka. Mingka punna tau ja'dala' koasa, sessai ra'yaka.

KATO'BA 10:6

Tau dongoka nisarei empoang mala'biri', na pamimpinga tanggappaya apa-apa.

DANIEL 6:2

Darius nabagei kakaraenganna a'jari 120 propinsi, massing-massing niparenta ri sitau guburnur.

PAMMILANGNGANG 24:7

Anggappai je'ne' bosi alla'bi-la'bi, anggappai jai je'ne' bine lamunganna. Lamala'biriki karaenna, la'biangang na Karaeng Agag, na lanipakala'biri' kakaraenganna.

1 SAMUEL 15:33

Nakanamo Samuel, “Sangkamma pa'dannu le'baki a'jari passabakkang najai amma' tappela' ana'na, kamma tomminjo amma'nu latappela'mi ana'na.” Nampa naalle nacancang Samuel anjo Agag ri dallekanna tampa' pakkoro'bangngang ri Gilgal.

1 SAMUEL 15:8

Sikontu ra'ya'na siagang tantarana tu Amalek nibuno ngasemmi ri Saul. Mingka Agag karaenna tu Amalek najakkala' attallasaki nanaboli' Saul siagang tantarana attallasa'. Kammayatompa sikamma gimbala'na siagang sapina kaminang bajika, ana' sapina siagang ana' gimbala'na kaminang co'moka, kammayatompa sikontu apa-apa lompoa anggaranna; iaji bawang olo'-olo' tenaya matu-matunna siagang tenaya anggaranna naancuru'.