ESTER 2:9 - KITTA' MATANGKASA'

⁹ Takkajannammi Hegai anciniki Ester siagang nangai nacini'. Nasaremi linta' anjo tuloloa apa-apa parallua napake a'mode, kammayatompa napanynya'lakkammi kanre. Nipalette'mi Ester ri tampa' kaminang bajika ri anjo balla' karaeng bainea. Nampa nisaremo tugasa' tuju baine kaminang laccirika untu' allayani.

ESTER 2:9 Iomraidhean Croise

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

PA'JARIANG 39:4

Sannammi nyawana Potifar mae ri Yusuf, siagang naangka'mi a'jari palayang untu' kalenna. Nampa nasare tugasa' Yusuf untu' angngurusuki bone balla'na kammayatompa sikontu pa'barang-baranganna.

1 KARAENG-KARAENG 8:50

Kipammopporangi sikontu dosana siagang kadorakanna ke'nanga mae ri Katte, siagang Kipa'jari anjo musu-musunna ke'nanga a'gau' baji' mae ri ke'nanga.

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

NEHEMIA 2:8

Pantaranganna anjo appala' tomma' sura' untu' Asaf, iamintu pangngurusu'na romanga ri pa'rasanganga, sollanna napasadianga' kayu untu' pakke'bu' lompo pa'jaganga ri ampi'na Balla'Na Batara ri Yerusalem; kammayatompa untu' tembo'na kotaya siagang balla' lakupammantangngia. Naturukiang ngasemma' karaenga anjo pappalakku, lanri Natulunga' Allata'ala.

ESTER 2:12

Manuru' paratorang, sitaungi sallona nisare sikamma bainea barang-barang naparalluanga untu' a'mode. Annang bulang nisare minynya'-minynya' accampuruka kamanynyang, nampa annang bulang pole nisare minynya'-minynya' accampuruka bau'-baukang maraeng. Le'baki anjo, a'le'basa'mi nisare kasampatang tasse're-se're anjo tuloloa mange andallekang ri Karaeng Ahasyweros.

ESTER 2:3

Kiangka'mi ri sikontu daera propinsia ri anne kakaraenganga siapa are pagawe untu' a'boya tulolo-tulolo ga'ga, nampa naerang ngaseng ke'nanga anjo tuloloa mae anrinni ri Susan, ri balla' karaeng bainea. Hegai, kapala palayanga ri balla' karaeng bainea langngurusuki ke'nanga siagang nasare ke'nanga sikamma apa-apa parallua untu' amparakai kaga'ganna ke'nanga.

ESTER 5:2

Ri wattunna nacini' Ratu Ester ammenteng pantarang, tu'guru'mi pangngamaseanna ri ia. Napajonjomi takkang bulaenna mae ri ia. Jari majumi Ester mae ri dallekang, nampa najama cappa'na anjo takkang bulaenga.

PAMMUJI 106:46

Napa'jarimi ke'nanga nikamaseang ri sikontu bansa antahangai ke'nanga.

PANGNGEBARANG 16:7

Punna nupakasannang pa'mai'Na Batara, musu-musunnu laNapa'jari agangi.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.