ESTER 2:11 - KITTA' MATANGKASA'

¹¹ Allo-allona Mordekhai a'jappa-jappa ri paranglakkeng dallekanna balla' karaeng bainea untu' ampakkuta'nangngangi kaadaanna Ester siagang apa lakajariang ri kalenna.

ESTER 2:11 Iomraidhean Croise

PA'JARIANG 37:14

Nakanamo manggena, “Ciniki antekamma kaadaanna sikamma daennu siagang bembeta kammayatompa gimbalatta, nampa ammoterekko mae ri nakke ampauanga'.” Nalappassammi a'lampa Yusuf, ambokoi lappara'na Hebron. Tena nasallo, battumi Yusuf mange ri Sikhem.

ESTER 2:10

Nipakainga'mi Ester ri Mordekhai, sollanna tena napaui kalenna angkana tu Yahudi.

ESTER 2:12

Manuru' paratorang, sitaungi sallona nisare sikamma bainea barang-barang naparalluanga untu' a'mode. Annang bulang nisare minynya'-minynya' accampuruka kamanynyang, nampa annang bulang pole nisare minynya'-minynya' accampuruka bau'-baukang maraeng. Le'baki anjo, a'le'basa'mi nisare kasampatang tasse're-se're anjo tuloloa mange andallekang ri Karaeng Ahasyweros.

LAMPA-LAMPANA 15:36

Tasalloai, nakanamo Paulus ri Barnabas, “Umba ki'lampa pole angkunjungi sikamma paranta tu tappa' ri Isa niaka ri kota-kota le'baka nibattui ampa'la'bangi kana-kananNa Batara; sollanna akkulle nicini' antekamma katallassanna ke'nanga.”

1 SAMUEL 17:18

Angngerang tongko sampulo batunna keju untu' komandang pasukanga. Pakkuta'nangngangi antekamma kabara'na sikamma daennu. Siagang angngerangko butti untu' inakke ma'nassana angkanaya sibuntulu' jako ke'nanga na salama'ja ke'nanga.