ESTER 10:2 - KITTA' MATANGKASA'

² Sikontu anjo panggaukang lompona siagang hebaka, kammayatompa yangasenna riwaya'na ri passala' antekamma batena naangka' Mordekhai a'jari tau tinggi pangka'na, niaki nicata' lalang ri kitta' riwaya'na sikamma karaeng-karaeng Persia siagang Media.

ESTER 10:2 Iomraidhean Croise

1 KARAENG-KARAENG 11:41

Riwaya' maraengannaya ri sesena Salomo, ri passala' sikontu apa le'baka najama siagang ri passala'na pangngassenganna, le'ba'mi nicata' lalang ri kitta' Riwaya' Katallassanna Salomo.

1 KARAENG-KARAENG 14:19

Riwaya' maraenga ri sesena Karaeng Yerobeam, iamintu pamarentahanna siagang sikamma pa'bundukang napimpinga, le'ba'mi nicata' lalang ri kitta' Riwaya'na sikamma karaeng Israel.

1 KARAENG-KARAENG 22:39

Riwaya' maraengannaya ri sesena Karaeng Ahab, ri sesena balla' kakaraengang gadinga, kammayatompa sikontu kota le'baka nabangung, le'ba'mi nicata' lalang ri kitta' Riwaya'na sikamma karaeng Israel.

ESTER 2:23

Nisalidikimi anjo passalaka, nampa a'nyatamo angkana kammatojengi anjo kabaraka. Nihukkummi iamintu mate nigentummi anjo tau ruaya. Situru' parentana karaenga, nicata'mi anjo kajarianga antama' ri kitta' riwaya' kakaraenganga.

ESTER 6:1

Anjo memang bangngia takkulleai attinro karaenga. Jari nasuro allemi kitta' catatang riwaya'na kakaraenganga nampa nasuro baca ri taua.

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

ESTER 8:2

Napasulu'mi cincinna karaenga, ia le'baka naalle ammotere' battu ri Haman, nampa napassareang mae ri Mordekhai. Nampa niangka'mo Mordekhai ri Ester untu' a'jari tukoasa ri pa'barang-barangngang battua ri Haman.

ESTER 9:4

Ri sikontu kakaraenganga naasseng ngasengi taua angkana anjo Mordekhai sanna' lompona pangaruna ri balla' karaenga siagang pila' lompomi koasana.

PAMMUJI 18:35

Nalatia' untu' a'bundu', sa'genna akkulle kupabantang anrong pana kaminang kassaka.

DANIEL 2:48

Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.