ESTER 1:6 - KITTA' MATANGKASA'

⁶ Anjo paranglakkenga nibelo-beloi siagang gordeng kaeng lenang gauka nipare' siagang kaeng lenang kebo'. Nampa nisikko' anjo kaeng gordenga siagang otere' kaeng lenang halusu'. Le'baki anjo nipasai'mi ri ponto-ponto niaka nipasang ri benteng-benteng tembo' accillaka. Irawanganna nia' niboli' siapa are koi bulaeng siagang koi pera', ia ta'dongkoka irate ri dapara' tembo' laccuka na kebo'. Anjo daparaka nibelo-beloi tanja'na. Na anjo belo-belona sanrapangi nicini' kaca eja a'lisereka, siagang kuli' mutiara accilla', kammayatompa paramata gau'.

ESTER 1:6 Iomraidhean Croise

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

ESTER 8:15

Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

KALAPPASSANG 26:1

“Apparekko Kema untu' iNakke; ia nupareka iamintu sampulo polong kaeng lenang alusu', nitannungi siagang wol gauka tanja'na, lame butung, siagang eja. Sulangi anjo kaenga siagang gambara' malaeka' akka'nyi'.

YEHEZKIEL 23:41

Nampa ammempo ke'nanga irate ri katinroang ga'gaya. Ri dallekanna nia' mejang, rassi pappatala, kammayami dupa siagang minynya' zaitun Kupassareanga ri ke'nanga.

AMOS 2:8

Ri sikamma tampa' ibadaya, attinroi siagang baju napappita'gallanga na naalle tulusu' battu ri tu kasi-asia. Ri Balla'Na Allata'alana ke'nanga, angnginung anggoro' naallea battu ri tau niaka inranna mae ri ke'nanga.

AMOS 3:12

Rapang sitau pakalawaki anggappayai ammotere' bangkenna mami yareka sipolong mami tolinna gimbala'na le'baka nikanre ri singa, kamma tomminjo sike'de' dudu mami lammantang battu ri pandudu'na Samaria attinro baji'-bajika pakkasia'na ri katinroang ga'gana.”

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

1 SAMUEL 28:23

Taerokami Saul na nakana taerokai angnganre. Mingka nipassanamo ri sikamma pagawena, amminawang turu'mi. Ammentemmi nai' battu ri buttaya nampa ammempo ri balla'-ballaka.