ESTER 1:3 - KITTA' MATANGKASA'

³ Ri makatallun taunna ammarenta, appare'mi acara passua'-suarrang lompo anjo Karaeng Ahasyweros untu' sikamma tumalompona siagang pagawe-pagawena. Hadere' tongi panglima tantarana Persia siagang Media ri anjo passua'-suarranga. Kammayatompa sikamma guburnur siagang pagawe-pagawe tinggi battua ri daera propinsi nia' ngaseng tongi hadere'.

ESTER 1:3 Iomraidhean Croise

PA'JARIANG 40:20

Tallungngalloi pole, narapi'mi allo kalassukanna karaenga. Appare'mi passua'-suarrang untu' sikontu pagawena. Naparentakammi sollanna nipasulu' battu ri tarungkua anjo pangngurusu' inunganga siagang pangngurusu' rotia, nampa nierang mange ri dallekanna sikontu pagawea ri balla' karaenga.

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

ESTER 1:14

Ia tumailalang kaminang masarroa nikio' ri karaenga iamintu: Karsena, Setar, Admata, Tarsis, Meres, Marsena, siagang Memukan. Anne ke'nanga sangnging tumailalang ri Persia siagang Media, kaminang tinggia pangka'na lalang ri kakaraenganga.

ESTER 1:4

Annambulang sallona napappicini'-cinikang karaenga kakalumanynyangnganna ri balla' karaenga siagang kalompoang kakaraenganna.

ESTER 2:18

Le'baki anjo appare'mi acara passua'-suarrang lompo karaenga, untu' ampakalompoi Ester. Naundang ngasemmi sikamma pagawena siagang tumalompona. Napa'la'bammi mange ri sikontu daera kakaraenganna angkana allo perei anjo alloa, siagang a'bage-bagemi hadia sanna' jaina.

ESTER 3:7

Ri makasampulona anrua taung ammarenta Karaeng Ahasyweros, ri bulang se're, iamintu niarenga bulang Nisan, assuro cini'mi allo Haman, iamintu nasuro goccangi anjo nikanaya “purim”, untu' angngassengi angkanaya allo apa siagang bulang siapa nacoco' nagaukang anjo pikkirang ja'dala'na. Nipattantumi angkana tanggala' sampulo antallu, bulang sampulo anrua, iamintu niarenga bulang Adar.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

DANIEL 5:1

Ri se'reang allo Karaeng Belsyazar angngundangi sisa'bu tumalompo untu' anghaderi passua'-suarrang lompona, siagang angnginung-nginung anggoro'.

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

DANIEL 6:1

Le'baki nibuno Belsyazar, Darius tu Media angngallei empoang kakaraenganga. Anjo wattua umuru'na annampulo anrua taung.

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.

MARKUS 6:21

Mingka kale'bakkanna, anggappami kasampatang Herodias ri allo kalassukanna Herodes. Anjo wattua assua'-suaraki Herodes. Nakio' ngasengi tumalompoa lalang pamarentanga, tau tinggi-tinggia pangka'na, kammayatompa sikamma pamimpinga lalang ri Galilea.