ESTER 1:16 - KITTA' MATANGKASA'

¹⁶ Nakanamo Memukan ri karaenga siagang sikamma tumalompoa, “Lanri anjo panggaukanna, teai poro karaeng bawang nahina Ratu Wasti, mingka sikontu pagawena karaenga, ba'lalo sikontu bura'nea anrinni ri kakaraenganga, nahina ngaseng tommi.

ESTER 1:16 Iomraidhean Croise

EZRA 4:6

Ri pakaramula pamarentahanna Karaeng Ahasweros, annulisiki sura' musu-musunna pandudu' Yerusalem siagang Yehuda. Anjo suraka, sura' kabaratang.

ESTER 1:15

Nakanamo karaenga mae ri anjo tujua tau, “Le'baki kusuro palayang-palayangku mange ri Ratu Wasti untu' assuroi battu mae ri nakke. Mingka taerokai. Manuru' atorang, apa musti nigaukang mae ri ia?”

ESTER 1:17

Nasaba' anjo panggaukanna ratua lanaasseng ngasengi sikontu bainea, sa'genna massing lanacapa' ngaseng tommi bura'nenna ke'nanga. Lanacaritami ke'nanga angkana le'baki niparentakang ratua andallekang ri karaenga, mingka taerokai anjo Ratu Wasti battu.

LAMPA-LAMPANA 18:14

Kamma ero'na appiali Paulus, la'bi riolomi Galio angkana mae ri tu Yahudia, nakana, “He, ikau ngaseng tu Yahudia! Ka'de' passala' kasalang yareka kaja'dallang nanutuntu' anne taua memang siratanga' sa'bara' ampilangngeri anne tuntutannu.

LAMPA-LAMPANA 25:10

Appialimi Paulus nakana, “Kamma-kamma anne niakka' ammenteng ri dallekanna pangadelanna Karaenga ri Roma; jari anjoremma' ri tampaka siratang niadeli. Kalentami angngassengi angkanaya tena salaku mae ri tu Yahudia.