ESTER 1:15 - KITTA' MATANGKASA'

¹⁵ Nakanamo karaenga mae ri anjo tujua tau, “Le'baki kusuro palayang-palayangku mange ri Ratu Wasti untu' assuroi battu mae ri nakke. Mingka taerokai. Manuru' atorang, apa musti nigaukang mae ri ia?”

ESTER 1:15 Iomraidhean Croise

EZRA 4:6

Ri pakaramula pamarentahanna Karaeng Ahasweros, annulisiki sura' musu-musunna pandudu' Yerusalem siagang Yehuda. Anjo suraka, sura' kabaratang.

ESTER 1:14

Ia tumailalang kaminang masarroa nikio' ri karaenga iamintu: Karsena, Setar, Admata, Tarsis, Meres, Marsena, siagang Memukan. Anne ke'nanga sangnging tumailalang ri Persia siagang Media, kaminang tinggia pangka'na lalang ri kakaraenganga.

ESTER 1:16

Nakanamo Memukan ri karaenga siagang sikamma tumalompoa, “Lanri anjo panggaukanna, teai poro karaeng bawang nahina Ratu Wasti, mingka sikontu pagawena karaenga, ba'lalo sikontu bura'nea anrinni ri kakaraenganga, nahina ngaseng tommi.

ESTER 6:6

Antama'na Haman, nakanamo karaenga ri ia, “Nia' tau ero' kusare pammatei pappakala'biri' lompo. Apa musti kugaukang untu' ia?” Nakanamo ri nawa-nawanna Haman, “Inai maraeng lanisare pammatei pappakala'biri' kammaya anjo lompona ri karaenga? Mattantu inakke!”