ESTER 1:13 - KITTA' MATANGKASA'

¹³ Na nia' kabiasanna karaenga untu' appala' tangara' mae ri sikontu tucara'deka ri passala'na nikanaya hukkung siagang ada'. Lanri kammana, nakio'mi sikamma tumailalanna, ia angngassengai angkana apa musti nigaukang ri passala' kammaya anjo.

ESTER 1:13 Iomraidhean Croise

ESTER 1:12

Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

YEREMIA 10:7

Inai kutadeng taeroka mappilangngeri mae ri Katte, Karaenna sikontu bansaya? Tojeng, siratang sikaliKi' nipakalompo. Battu ri sikontu cara'deka ri alla'na bansa-bansaya siagang battu ri sikontu karaenna ke'nanga, tena manna sitau akkulle nipasangkamma iKatte, o Batara.

DANIEL 2:12

Nalangngere'na anjo kammaya teaimi sipato' larrona karaenga; naparentakammi sollanna nibuno kabusu' sikontu tau cara'de' niaka ri Babel.

DANIEL 2:2

Lanri kammana anjo nakio'mi sikamma pacinika, sanro cara'deka, sanro-sanro maraenganga siagang sikamma tau niaka pangngassenganna, untu' ampakasingaraki battuanna anjo so'naya.

DANIEL 2:27

Appialimi Daniel angkana, “O Karaeng, tena tau niaka pangngassenganna, sanro cara'de', pacini' yareka tucara'deka accini' bintoeng akkulle ampauangki' anjo passalaka, karaeng.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

MATIUS 16:3

Na punna bari'basa', nanucini' rammanga le'leng nuassemmi angkana labattui bosia. Jari akkullei nuasseng la'bi riolo angkanaya labosi yareka talabosiai lanri akkullei nubatei ri langika. Mingka pammateina jammanga tanuassengai nubatei.

MATIUS 2:1

Anjorengi ri kota Betlehem, ri pa'rasangang Yudea, nilassukang Isa, ri wattunna Herodes ammarenta. Anjo wattua nia'mo siapa are tucara'de' accini' bintoeng, battu raya mange ri Yerusalem.