ESTER 1:12 - KITTA' MATANGKASA'

¹² Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

ESTER 1:12 Iomraidhean Croise

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

ESTER 1:11

Nasuromi ke'nanga angngerangi Ratu Wasti battu ri dallekanna nanapake songko' kakaraenganga ri ulunna. Anjo ratua teai sipato' ga'gana, nampa ero' napappicini'-cinikang kaga'ganna anjo bainenna mae ri sikamma tumalompoa siagang sikamma toananna.

ESTER 1:13

Na nia' kabiasanna karaenga untu' appala' tangara' mae ri sikontu tucara'deka ri passala'na nikanaya hukkung siagang ada'. Lanri kammana, nakio'mi sikamma tumailalanna, ia angngassengai angkana apa musti nigaukang ri passala' kammaya anjo.

ESTER 7:7

Teaimi sipato' larrona karaenga. Ammentemmi nampa nabokoi mejanga nampa tulusu' assulu', ri koko balla' karaenga. Naassemmi Haman angkana natappukimi karaenga untu' anghukkungi. Jari ammantammi siagang Ester untu' ampalaki ri Ester sollanna nipalili ri anjo balaya.

PAMMUJI 74:1

Kelong pangngajarang battu ri Asaf. O, Allata'ala, latulusu' Kibokoika ikambe? Angngapa Kitulusu' larro mae ri umma' kalenTa?

PAMMUJI 79:5

O, Batara, maka lasitulusutTa larro, siagang a'rinra kamma pepe' kimburuTa?

KALAPPASSANG 32:19

A'reppese'namo Musa mae ri anjo pakkemaanga, nacini'mi anjo sapi bulaenga siagang tau sitabanga a'joge'-joge'; sanna'mi larrona. Anjoreng memanji, iamintu ri bangkenna anjo monconga, napatappasa' anjo batu naeranga sa'genna ancuru' tassimbung-simbung.

KALAPPASSANG 32:22

Appialimi Harun angkana, “Teako larroi ri nakke; baji' nuassenna ke'nanga antekamma lompona pattujunna ke'nanga anne untu' a'gau' ja'dala'.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 20:2

Larrona karaenga sanrapangi sa'ra arrunna singaya; tau ampakanassuai sangkammai nacilakai kalenna.

DANIEL 2:12

Nalangngere'na anjo kammaya teaimi sipato' larrona karaenga; naparentakammi sollanna nibuno kabusu' sikontu tau cara'de' niaka ri Babel.

DANIEL 3:13

Nalangngere'na karaenga anjo kammaya, teaimi sipato' larrona. Appasulu'mi parenta sollanna nierang anjo tau tallua andallekang ri ia.

DANIEL 3:19

Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

EFESUS 5:22

Ikau tu bai'-bainea, paralluko tundu' mae ri bura'nennu, sangkamma tundu' mae ri Batara makoasaya.

EFESUS 5:24

Sangkamma anjo jama'aka tunduki mae ri Almasi, kammatommi anjo tu bai'-bainea musti tundu' tongi mae ri tubura'-bura'nena, lalang ri passala' apa-apa mamo.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

1 PETRUS 3:1

Kammaya todong ikau, sikamma tu bai'-bainea, musti mappilangngeriko mae ri bura'nennu. Sollanna punna nia' tau tena natappa' bura'nenna ri biritta battua ri Allata'ala, akkullemi a'jari tappa' lanri nacini'na panggaukannu. Siagang tena nuparallu a'bicara apa-apa mae ri ke'nanga,