ESTER 1:11 - KITTA' MATANGKASA'

¹¹ Nasuromi ke'nanga angngerangi Ratu Wasti battu ri dallekanna nanapake songko' kakaraenganga ri ulunna. Anjo ratua teai sipato' ga'gana, nampa ero' napappicini'-cinikang kaga'ganna anjo bainenna mae ri sikamma tumalompoa siagang sikamma toananna.

ESTER 1:11 Iomraidhean Croise

2 SAMUEL 14:25

Nipalecei Absalom salaku tau kaminang gammara' ri sikontu Israel. Tena tau la'bi gammarangngang naia. Battu ri pala' bangkenna sa'genna cappa' uu'na tena callanna.

ESTER 1:12

Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

ESTER 2:17

Napa'jari sannammi siagang napakasunggumi nyawana karaenga la'biangngang natulolo maraengannaya. Lanri kammana, iami kaminang ningai ri karaenga. Jari nipipakeimi ri karaenga songko' karaeng, iamintu nipadongkoki ri ulunna Ester. Nipa'jarimi ratu ansambeangi Ratu Wasti.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PANGNGEBARANG 31:30

Tanja' ga'gaya takkulleai nipatappa', siagang kaga'ganga lalanynyaki; mingka baine mappilangngeria ri Batara siratangi anggappa pammuji.