ESTER 1:10 - KITTA' MATANGKASA'

¹⁰ Ri makatujuna alloa, angnginung-nginummi karaenga siagang sanna' sikali rannuna. Lanri kammana nakio'mi tujua palayang untu' kalenna. Ia arenna ke'nanga iamintu Mehuman, Bizta, Harbona, Bigta, Abagta, Zetar, siagang Karkas.

ESTER 1:10 Iomraidhean Croise

PA'JARIANG 43:34

Nisarei ke'nanga kanre battu ri mejanna Yusuf, nampa Benyamin a'lappi limai batena nilayani na sikamma daenna maraenga. Nampa angnganremo siagang angnginummi ke'nanga siagang Yusuf sa'genna bassoro' ke'nanga.

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

ESTER 1:9

Na ilalanna todong anjo wattua, ia bainenna karaenga iamintu niarenga Wasti, appare' tongi acara passua'-suarrang untu' sikamma bainea lalang ri balla'na karaenga.

ESTER 3:15

Akkaro-karomi a'lampa sikamma tunisuroa a'lampa angngantaraki anjo sikamma suraka mange ri sikontu propinsi niaka ri anjo kakaraenganga. Lanri passurona karaenga, nipa'la'bang tommi anjo parentaya ri kota Susan, iamintu ibukotana Persia. Le'baki anjo ammempo-mempomi karaenga siagang Haman, angnginung anggoro'. Mingka a'jari gegere' lompomi taua ri kota Susan passala' anjo parentaya.

ESTER 7:9

Nampa nakanamo Harbona, iamintu kalase'renna anjo palayanga, “O, karaeng, ri ampi' balla'na Haman nia' tampa' panggentungang ruampulo metere' tinggina. Le'baki napaenteng Haman anjo panggentunganga untu' anggentungi Mordekhai, tau le'baka ampasalamaki nyawata.” Nampa naparentakammo karaenga angkana, “Gentungi Haman anjoreng ri tampa' panggentunganga anjo!”

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

PANGNGEBARANG 31:4

U'rangi anne Lemuel! Angnginung anggoro' siagang cinna dudua ri inungang terasa', tena nasiratang mae ri pamarentaya.

KATO'BA 10:19

Passua'-suarranga angngerangi kakkala', na anggoroka appakarannu. Mingka parallui nia' doe' untu' pa'bayara'na.

HAKING-HAKING 19:6

Jari ammempomi anjo tu Lewia nampa angnganre siagang angnginung siagang manggena anjo bainea. Mingka ammentenna ero' a'lampa, ninyonyo'mi ri manggena anjo bainea sollanna tena na'lampa. Nakana, “Assanang-sannammako rolong siagang a'bangngi mako anrinni.” Jari ammantammi anjo tu Lewia sipattang pole.

RUT 3:7

Le'ba'namo Boas angnganre siagang angnginung, sukku'mi nasa'ring siagang sannammi pa'mai'na. Nampa a'lampamo mange attinro ri ampi'na pa'gompoang gandunga. A'mere'-merekimi Rut battu nampa nasungke kalimbu'na Boas, nampa attinro ri ampi' bangkenna.