EFESUS 1:9 - KITTA' MATANGKASA'

⁹ Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

EFESUS 1:9 Iomraidhean Croise

PAMMUJI 33:11

Mingka rancanaNa Batara tuli attahanna, majarreki apa le'baka Narancang sila'busu'na jammanga.

YEREMIA 2:29

Apa tena nungaiangA' sa'gengKu nubaliang?

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

LAMPA-LAMPANA 4:28

Asse'remi ke'nanga ero' a'gau' sangka' rupa, situru' apa le'baka Kipattantu angkanaya lakajariang memangi anjo kammaya. Na lanri koasa KalenTa siagang ero' KalenTa naKipattantu anjo apa lakajarianga.

ROMA 11:25

Sikamma sari'battangku! Kupalaki natena nanukana kalennu nuasseng ngasemmi apa-apaya. Nasaba' nia' apa Nakaeroki Allata'ala mingka tanaassengapi rupataua. Nakukellai sollanna nuasseng anjo; iamintu: Kapala batui sipa'gang tu Yahudia; mingka tenaja nalatuli kamma anjo sipa'-sipa'na ke'nanga. Punna ganna' bansa-bansa maraenga battu mae ri Allata'ala,

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

GALATIA 1:12

Tena nabattu ri rupataua kutarima anjo kabaraka. Siagang tena manna sitau ampangngajarrangi mae ri nakke. KalenNa Isa Almasi ansungkei bonena anjo Kabara' Bajika mae ri nakke.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

GALATIA 1:16

Napappiassengammi Ana'Na Allata'ala mae ri nakke; sollanna akkulle kubirittakang anjo Kabara' Baji' ri sesena Ana'Na, mae ri bansa-bansa maraenga. Anjo wattua tena ku'lampa appala' pappitangara' manna ri nai.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

EFESUS 1:8

Teai sipato' lompona pangngarimangnginNa Allata'ala, le'baka Napa'laboang mae ri katte situru' kabajikang siagang pangngassengang.

EFESUS 3:11

Nagaukammi Allata'ala anjo sikammaya situru' ero' laNagaukanga satunggu-tungguna, siagang Nagaukanga tete ri Isa Almasi, Batarata.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.