EFESUS 1:12 - KITTA' MATANGKASA'

¹² Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!

EFESUS 1:12 Iomraidhean Croise

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

YESAYA 11:10

Nia' sallang se're wattu nalabattu sitau karaeng turunganna Daud, a'jari tau niparhatikang ri sikontu bansaya. Labattui ke'nanga mae ri ia, siagang sanna' nipakalompona pammantanganna.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

YOHANES 14:1

Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

EFESUS 2:7

Kammami anjo Nagaukang Allata'ala, sollanna akkulle nacini' rupataua ri jammang labattua, antekamma lompona kabajikang pa'mai'Na Napappicinikanga lalang ri Isa Almasi.

EFESUS 3:21

Poro nipakala'biri'mi Allata'ala sa'genna a'lapi'-lapisi' sossorang lalang ri jama'aka, tete ri Isa Almasi. Nipujimi Allata'ala satunggu-tungguna! Aming.

2 TESALONIKA 2:13

Sikamma sari'battangku nikamaseanga ri Batara! Musti tuli appala' sukkuruki ikambe mae ri Allata'ala passabakkang ikau ngaseng; nasaba' battu ri uru-uruna memang naNapile mako Allata'ala untu' nipasalama'. Anjo, RohNa Allata'ala anggaukangi mae ri kau; sollannu nipa'jari umma'Na Allata'ala matangkasaka; siagang lanri tappa'nu mae ri biritta tojenga battua ri Allata'ala.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.