DANIEL 9:26 - KITTA' MATANGKASA'

²⁶ Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

DANIEL 9:26 Iomraidhean Croise

2 SAMUEL 21:5

Appialimi ke'nanga angkana, “Anjo Saul, karaeng nipilea ri Batara eroki amputtai ikambe sa'genna lanynya' kabusu' ikambe battu ri sikontu butta Israel.

PAMMUJI 22:15

Tenamo kagassingangku sanrapang je'ne' tattumpaya, sikontu bukungku sangkamma ta'lappasa' ngasemmi ri lesoanna, assolommi atingku sanrapang liling.

YESAYA 28:2

Nia' se're tau kassa' siagang barani laNasuro battu Batara. Kabattuanna nirurungangi ri bosi es siagang anging kancang, rapang bosi lompo siagang a'ba ammanyukkanga. Nakaterassangi na napatappasa' ke'nanga naung ri buttaya.

YESAYA 28:22

Kulangngere'mi kaputusanNa Allata'ala Kaminang Tinggia siagang Kaminang Makoasaya, iamintu lanaancuruki sikontu pa'rasanganga. Teako callai anne kana-kana kupabattua, kana-kana pappakaingaka. Sallang la'bi sukkarrangngangi lanupata'lappasa' kalennu!

YESAYA 53:8

Nitahangi siagang niadeli, nampa nierang mange nihukkung mate. Tena anjampangi sarenna; matei lanri dosana bansata.

YESAYA 8:7

Lanri kammana anjo, iNakke Batara, laKupabattui karaeng Asyur siagang tantarana untu' ambunduki Yehuda. La'bakkai maju ke'nanga, rapang Binanga Efrat allumpa-lumpa sa'genna a'ba biring-birinna.

YEREMIA 46:7

Inaika anjo naika rapang je'ne'na Binanga Nil, rapang binanga allumpaya je'ne'na mae ri biring-birinna? Iaminjo pa'rasangang Mesir. Nakana kalenna, ‘Lambangunga' nai' nakukoasai buttaya. Lakupanraki kota-kotaya siagang pandudu'na.

YEREMIA 51:42

Je'ne' tamparanga allumpai nai' ri Babel; bombanga ammarrungi antujui anjo pa'rasanganga.

DANIEL 11:10

Nampa ana'-ana' bura'nena anjo karaeng niaka ri pa'rasangang wara' lasadia-sadiai untu' a'bundu'; appasadiami tantara jai. Kalase'renna battu ri ke'nanga lamaju rapang a'ba. Lalang a'bakka makapinruanna nabunduki pattahanganna musua.

DANIEL 11:17

Nampa anjo karaeng pa'rasangang waraka lanapasadiai sikontu tantarana untu' ambunduki pa'rasangang timboroka. Na lanri ero'na nakoasai kabusu' sikontu kakaraenganna musunna, appare'mi passitujuang siagang anjo musunna; na napa'buntimmo ana' bainena siagang anjo karaeng Mesir. Mingka anjo rancanana tena nata'rapi'.

DANIEL 11:22

Sikontu tantara angngewaya ri ia, ba'lalo manna pole Imang Lompoa lanabarrasa' kabusuki sa'genna putta.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

HOSEA 1:9

Nakana Batara ri nakke, “Arengi anjo ana'nu ‘Teai UmmakKu’, nasaba' tu Israel teai ummakKu, siagang iNakke teaiA' Allata'alana ke'nanga.”

AMOS 8:8

Lamme'bereki buttaya, siagang sikontu taua lasusa kabusuki nyawana. Sikontu pa'rasanganga lata'goccangi siagang kammai nitoeng Binanga Nil.

AMOS 9:5

Ta'goccangi buttaya siagang susai pandudu'na, lanri niseroi ri Batara Kaminang Tinggia siagang Kaminang Koasaya. Rapang Binanga Nil nai' naung je'ne'na, kammami anjo lanaiki ke'nanga nampa tu'guru'.

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

MATIUS 22:2

Nakana, “Punna ammarenta Allata'ala kammaminne pangngebarranna: Nia' se're Karaeng ampa'buntingi ana'na bura'nea, nanapassua'-suarrang.

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

MATIUS 23:38

Lanri kammana minjo Nataerokamo Allata'ala anrurungangko.

MATIUS 24:2

Nakanamo Isa ri ke'nanga, “Nucini' ngasemmi anjo bangunanga? Assemmi angkanaya, manna se're batu talania' sallang ammantang assusung ri tampa'na, nasaba' lanirumbang ngasengi!”

MARKUS 13:2

Appialimi Isa Nakana, “Sai nucini' ngasengi bangunang lompoa? Tena manna se're lammantang tassusung anjo batu-batua ri pammantanganna ri anjo bangunang-bangunanga. Nasaba' laniruntung ngasengi.”

MARKUS 13:7

Punna nia' nulangngere' sa'ra pa'bundukang, yareka kabara' pa'bundukang, teako mallakki. Yangasenna anjo lakajariang memangi, mingka tanarapikapi wattu kiamaka.

MARKUS 9:12

Appialimi Isa Nakana, “Memang Elia battu la'bi riolo untu' ampasadiai yangaseng-ngasenna parallua. Mingka antekamma ia passala'na Ana' Ma'rupataua? Apa saba'na na tattulisi' lalang ri Kittaka angkanaya lajai sessa laNapisa'ringi siagang lanihinai ri taua?

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

LUKAS 21:6

“Nia' sallang nanarapi' wattunna nalanirumbang ngaseng anjo apa nucinika; anne batu niaka anrinni manna sibatu talania'ija tassusung ri pammantanganna!”

LUKAS 24:26

Sai musti Nakasiaki rolong Karaeng Mappasalamaka anjo passessaya, nampa anrapi' ri kala'biranNa?”

LUKAS 24:46

Nampa Nakana Isa ri ke'nanga, “Nia' tattulisi' lalang ri Kittaka angkanaya musti attallasa' poleangi Karaeng Mappasalamaka battu ri kamateanga, ri makatalluna alloa.

YOHANES 14:30

Tenamo nalajai dudu Kubicara mae ri kau ngaseng, nasaba' narapi'mi wattunna labattu pamarentana anne linoa. Mingka tena koasana mae ri KalengKu.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

1 PETRUS 2:21

Untu' iami anjo naNakiokko Allata'ala. Nasaba' KalenNa Almasi le'ba' tommi angkasiaki kasessanga untu' ikau; na lalang kammana anjo Nasare mako conto sollanna nuturuki bateNa.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.