DANIEL 8:7 - KITTA' MATANGKASA'

⁷ Kuparhatikangi nabakkai anjo gimbala' lakia. Antekamma sekke'na sa'genna nalappo anjo gimbala' lakia siagang natepo' rua-rua tanru'na. Tena sikali kagassinganna anjo gimbala' lakia untu' angngewa. Tassambilai naung ri buttaya nampa nionjo'-onjokang, na manna sitau tania' akkulle antulungi.

DANIEL 8:7 Iomraidhean Croise

DANIEL 11:11

Jari larromi karaenna anjo pa'rasangang timboroka; majumi a'lampa ambunduki anjo karaenna pa'rasangang waraka. Na nabetamo anjo tantara jai nipagioka ri karaeng pa'rasangang waraka.

DANIEL 7:12

Olo'-olo' maraengannaya le'ba'mi nialle koasana, mingka nipa'biangi ke'nanga attallasa' sa'genna wattu le'baka nipattantu.

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.

DANIEL 8:10

Anjo tanruka a'jari pila' lompoi sa'genna gassimmo angngewai tantara suruga iamintu sikamma bintoenga, ba'lalo nia' siapa are napasambila naung ri buttaya nampa naonjo'-onjokang.

DANIEL 8:6

Anjo bembe lakia nareppesi anjo gimbala' laki kucinika ri birinna anjo binangaya, nampa larro sikali ambakkai naula'.

DANIEL 8:8

Anjo bembe lakia pila' a'bakkaki lompona. Mingka ri wattunna narapi' coppo' kakoasanna, tepo'mi tanru'na anjo lompoa; nampa ri anjo tampa' tanru'na nia'mo ammumba appa' tanru' assulu', massing-massing a'dalle' maraeng.

KAIMANGNGANG 26:37

Lalariko siagang lasilappo-lappoko para ikau, manna natenaja tau angngondangko. Na tena nukkulle angngewai musu-musunnu.

YOSUA 8:20

Assailemi tu Ai mae ri boko, siagang nacini'mi ke'nanga umbua nai' ri langika. Nacini' tommi Yosua siagang pasukanna anjo umbua, siagang naassemmi ke'nanga angkanaya nipantamakkimi anjo kotaya ri anjo pasukang maraenga. Jari nagilimmi kalenna Yosua siagang pasukanna untu' a'bakka ambunduki siagang ambunoi tu Ai. Nampa battu tommi tu Israel niakamo anjoreng ri kota Ai amminawang ambunduki ke'nanga, sa'genna nilipummi tu Ai siagang tenamo kalappassanna untu' lari. Tena manna sitau ri ke'nanga ta'lappasa'; yangasenna nibuno ngasengi ri tu Israel,