DANIEL 8:3 - KITTA' MATANGKASA'

³ nampa ri birinna anjo binangaya nia' kucini' sikayu gimbala' laki, la'bu tanru'na, naia se'rea la'buangngangi natanru' se'rea siagang la'bi berui.

DANIEL 8:3 Iomraidhean Croise

1 PATTOTTORANG 21:16

Naciniki Daud anjo malaekaka allayang ri alla'na langika siagang buttaya. Nia' pa'dang lalang limanna, nasadia anjo malaekaka angngancuruki Yerusalem. Na anjo wattua, Daud siagang sikamma pamimping-pamimping ra'yaka, ammakemi care-care karung a'jari pammatei angkanaya assesse'lalammi ke'nanga, nasu'ju' ke'nanga naung ri buttaya.

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

EZRA 4:5

Nasogo'mi ke'nanga siapa area tunna'galaka jama-jamang ri pamarenta Persia, sollanna nahalangi ke'nanga anjo rancanana tu Yahudia. Tuli kammaminjo kajariang lalang pamarentahanna Karaeng Kores sa'genna ri pamarentahanna Darius.

ESTER 1:3

Ri makatallun taunna ammarenta, appare'mi acara passua'-suarrang lompo anjo Karaeng Ahasyweros untu' sikamma tumalompona siagang pagawe-pagawena. Hadere' tongi panglima tantarana Persia siagang Media ri anjo passua'-suarranga. Kammayatompa sikamma guburnur siagang pagawe-pagawe tinggi battua ri daera propinsi nia' ngaseng tongi hadere'.

YESAYA 13:17

Nakana Batara, “LaKupagioki bansa Madai untu' ambunduki Babel. Takkulleai ke'nanga nibuccu' siagang pera' yareka bulaeng.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

DANIEL 10:5

Acconga' nania' kucini' sitau ammake pakeang lenang siagang passikko' aya' bulaeng ti'no'.

DANIEL 2:39

Mingka punna le'ba'mo kakaraenganta, nia'mo lammumba kakaraengang maraeng, tenaya nasallompo kakaraenganta. Nampa ammumba pole kakaraengang makatallua, nipangngebarranga lalang ri anjo tambagaya ri patunga, lakoasaya mae ri sikontu linoa.

DANIEL 6:28

Ia mappasalama' siagang appakabebasa', anggaukangi gau' malompoa siagang appakalannasaka ri langika kammayatompa ri buttaya. Le'baki Napasalama' Daniel, battu ri bawa angngokko'na singa-singaya.”

DANIEL 7:5

Olo'-olo' makaruaya sangkammai tanja'na beruang. Ammentengi siagang bangkeng ri bokoa, siagang angngerangi tallumpolong buku rusu' ri gigi-giginna. Nia' sa'ra kulangngere' angkana ri ia, “Angnganre mako dageng siapa-siapa jaina nungaia!”

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.

ZAKHARIA 1:18

Lalang ri paccini' maraengannaya, nia' kucini' appa' tanru' sapi.

ZAKHARIA 2:1

Lalang ri paccini' ribokoangannaya, nia' kucini' sitau bura'ne anna'gala' otere' pa'baku'.

ZAKHARIA 5:1

Kuparhatikangi pole, nampa nia'mo pole kucini' iamintu se're kitta' nigulung anri'baka rate ri allaka.

ZAKHARIA 5:5

Ammumbai pole anjo malaekaka na nakana, “Ciniki! Nia' pole battu!”

ZAKHARIA 5:9

Accini' naika' na nia' kucini' rua baine anri'ba' mae ri nakke. Akka'nyiki ke'nanga na sanna' kassa'na ka'nyi'na, sangkamma ka'nyi'na kondoa. Naallei ke'nanga anjo sumpaeng karanjenga nampa naerang ke'nanga anri'ba'.

ZAKHARIA 6:1

Nia' pole paccini' maraeng kugappa. Kamma-kamma anne nia' kucini' appa' kareta pa'bundukang assulu' battu ri alla'na ruaya moncong tambaga.

PAMMILANGNGANG 24:2

na nacini' bansa Israel sitabang akkema a'gompo-gompo situru' massing suku-suku bansana. Nampa nikoasaimo Bileam ri RohNa Allata'ala,

YOSUA 5:13

Ri se'reang wattu niaki Yosua ri ampi'na Yerikho. Ti'ring nia'mo nacini' sitau bura'ne ammenteng ri dallekanna angngerang pa'dang ta'bi'bu'. Nareppesimi Yosua anjo taua nampa akkuta'nang angkana, “Ikau anne agangko, yareka baliko?”

PAPPICINI' 13:11

Nampa nia' kucini' sikayu olo'-olo' maraeng ammumba battu lalang ri buttaya. Nia' rua tanru'na sangkamma tanru' ana' gimbala'. Sa'ranna sangkammai sa'ra naga.

PAPPICINI' 5:6

Nampa nia' kucini' sikayu Ana' Gimbala' ammenteng ri tangnga-tangngana anjo empoang kala'biranga nikulilingi ri anjo appaka anu attallasa' siagang sikontu anjo pamimpinga. Anjo Ana' Gimbalaka sangkammai le'ba' nisamballe nicini'. Nia' tuju tanru'na siagang tuju matanna: iamintu tujua roh battu ri Allata'ala, nisuroa battu mange ri sikontu linoa.