DANIEL 8:27 - KITTA' MATANGKASA'

²⁷ Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

DANIEL 8:27 Iomraidhean Croise

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 10:8

Nabokoia' anjoreng kale-kalengku, amparhatikangi anjo paccini' appata'bangkaya. Tenamo kusa'ring kagassingangku siagang pi'lasa' sikalimi rupangku.

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

DANIEL 5:14

Kulangngereki angkanaya nikoasaiko ri roh-roh matangkasa'na rewata-rewataya, siagang angkanaya nia' kacara'dekannu, pammahannu, siagang pangngassengang lomponu.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

DANIEL 8:7

Kuparhatikangi nabakkai anjo gimbala' lakia. Antekamma sekke'na sa'genna nalappo anjo gimbala' lakia siagang natepo' rua-rua tanru'na. Tena sikali kagassinganna anjo gimbala' lakia untu' angngewa. Tassambilai naung ri buttaya nampa nionjo'-onjokang, na manna sitau tania' akkulle antulungi.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

1 SAMUEL 3:15

Le'baki anjo attinromi pole Samuel. Na ri wattu bari'basa'na ambangummi siagang nasungkemi sikamma pakke'bu' Balla'Na Batara. Mallaki ampauangi Eli anjo apa le'baka nacini'.