DANIEL 8:18 - KITTA' MATANGKASA'

¹⁸ Lalang a'bicarana, a'jari tenamo kungngu'rangi. Mingka nata'galakka' nampa nabalia' ammenteng ammotere'. Nampa nakana,

DANIEL 8:18 Iomraidhean Croise

PA'JARIANG 15:12

Ri wattu appakkaramulanamo labu alloa, attinromi Abram. Ti'ring nibattuimi ri pakkasia' malla' dudua.

AYUB 4:13

Naricui tinroku na kunaganggu, sanrapang asso'na kodi ri lantang bangngia.

YEHEZKIEL 2:2

Ri wattunna kulangngere' anjo sa'raya, antama'mi RohNa Allata'ala ri kalengku, nampa Napabangunga' nai'. Nampa kulangngere' pole anjo sa'raya angkana,

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 10:18

Jari sikalipi pole naseroa', sa'genna katambang ammotere' kagassingangku.

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

ZAKHARIA 4:1

Battui pole anjo malaeka' le'baka a'bicara mae ri nakke nampa naronronga' sangkamma tau anroronga tau tinro.

LUKAS 22:45

Le'baki appala' doang, ammotere'mi Isa mae ri ana'-ana' gurunNa. Narapikammi ana'-ana' gurunNa attinro ngaseng napakamma sanna' ngaseng mangnganna.

LUKAS 9:32

Anjo wattua attinroi Petrus siagang agang-aganna. Mingka ti'ring ambangummi ke'nanga, na nacini'mo ke'nanga accaya Isa, ammenteng siagang anjo tau ruaya.

LAMPA-LAMPANA 26:6

Na kamma-kamma anne niakka' ammenteng anrinni niadeli passabakkang tappakka' mae ri janjinNa Allata'ala mae ri boe-boena ikambe.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.