DANIEL 8:16 - KITTA' MATANGKASA'

¹⁶ Nia' kulangngere' sa'ra akkio' battu ri ba'leanna Binanga Ulai, angkana, “Gabriel, pakasingaraki ri ia battuanna anjo apa nacinika.”

DANIEL 8:16 Iomraidhean Croise

DANIEL 10:14

Battua' untu' ampipahangngiangko apa lakajarianga sallang mae ri bansanu. Anne paccinika, iamintu passala'na allo labattua sallang.”

DANIEL 7:16

Nampa kureppesi kalase'renna tau niaka ammenteng anjoreng siagang appalakka' kasingarang ri passala'na yangasenna anjo kammaya. Jari napauamma'.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

ZAKHARIA 1:9

Akkuta'nanga' mae ri ia angkana, “Karaeng, apa battuanna ngaseng sikamma anne jaranga?” Appialimi angkana, “Lakusungkei battuanna mae ri kau.

ZAKHARIA 2:4

Nakana malaeka' makase'rea mae ri malaeka' makaruaya, “A'lampako linta' mange ri anjo tau rungkaya, siagang pauangi angkanaya lateai sipato' rassina kota Yerusalem napakamma tau siagang olo'-olo' niparakai, sa'genna tena olona lakkulle nibangung tembo' pakkallika ri tammulilina.

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

LUKAS 1:26

Ri wattunna annang bulammo tianang Elisabet, Nasuromi Allata'ala malaeka' Gabriel mange ri kota Nazaret ri daera Galilea.

LAMPA-LAMPANA 10:13

Nampa nia'mo sa'ra angkana ri ia, “Petrus, ambangungko! Samballei, nampa nukanre!”

LAMPA-LAMPANA 9:7

Ta'bangka ngasemmi anjo tau naaganga Saulus sa'genna takkulleamo assa'ra ke'nanga; nasaba' nalangngereki ke'nanga anjo sa'raya, mingka tena tau manna se're nacini' ke'nanga.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

PAPPICINI' 1:12

Assailema' mae ri boko ero' anciniki angkana maka inai anjo a'bicara mae ri nakke. Nampa nia' kucini' tuju bangkeng lampu ammakea sumbu, bulaenga nipare'.

PAPPICINI' 22:16

“INakke Isa, Kusuromi malaekakKu mae ri kau ngaseng sollanna napau ngaseng anne passalaka untu' kasalamakkanna sikontu jama'aka. INakkemi sossoranna Daud; iNakkemi anjo bintoeng singaraka, niaka battu raya.”