DANIEL 8:14 - KITTA' MATANGKASA'

¹⁴ Kulangngereki malaeka' se'rea pole appiali angkana, “Sa'genna 1.150 allo. Lalang sikammaya anjo sallona tena nipassareangi koro'bang karuenga siagang bari'basaka. Le'bappi anjo nampa lanibajiki balla' ibadaya.”

DANIEL 8:14 Iomraidhean Croise

PA'JARIANG 1:5

nampa Naareng anjo singaraka “Singara'” na anjo sassanga “Bangngi”. Allalomi bangngia, battumi bari'basaka. Iaminjo allo makase'rea.

YESAYA 1:27

Adeleki Batara. Jari laNapasalamaki kota Yerusalem siagang sikamma taunna assesse' lalanga.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

DANIEL 12:11

Appakkaramula battu ri allo nipammarina anjo koro'bang allo-alloa siagang sikamma appakamalla' niarenga Kaja'dallang Angngancuru' nipaenteng, nia' 1.290 allo.

DANIEL 12:12

Mate'nei ke'nanga tau tuli majarreka sa'genna allo maka 1.335.

DANIEL 12:7

Anjo maraenganga naangkaki rua-rua limanna nai' ri langika. Kulangngereki assumpa lanri Allata'ala mannannunganga siagang nakana, “Anjo sikamma kajarianga lanarapiki sa'genna tallu sitangnga taung. Punna le'ba'mo passessaya ri umma'Na Allata'ala, lakala'busang tommi anjo sikamma kajariang appakalannasaka.”

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

DANIEL 8:26

Anjo paccini'nu ri passala'na koro'bang karuenga siagang bari'basaka, le'bakamo nipakasingara' battuanna mae ri kau, ma'nassa lakajariang tojeng-tojengi. Mingka yangasenna anjo kammaya lakajariangi ri allo labattua, iamintu jammang bellaya ija; jari teako caritai manna pole ri se'reang tau.”

GALATIA 3:8

Le'ba' memammi nipau lalang ri Kittaka angkanaya akkullei assibajiki ammotere' bansa maraenga siagang Allata'ala punna tappa' ke'nanga mae ri Ia. Le'ba'mi nipauang la'bi riolo Abraham anjo Kabara' Bajika ilalang ri janji angkanaya, “Battu ri kaumi nalaNabarakkaki Allata'ala sikontu rupataua ri lino.”

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 12:14

Mingka nisaremi anjo bainea rua ka'nyi' jangang-jangang rajawali lompoa sollanna anri'ba' mae ri tampa'na ri parang lompoa; anjoremmi laniparakai tallun taung assitangnga sallona, sa'genna a'lilimo battu ri anjo nagaya.

PAPPICINI' 13:5

Nilappassammi anjo olo'-oloka ampaui bicara-bicara sannaka tampona siagang anghinai Allata'ala. Nipa'biammi ammarenta patampulo anrua bulang sallona.