DANIEL 8:12 - KITTA' MATANGKASA'

¹² Nampa sikamma tau niaka anjoreng appakkaramulami doraka siagang tenamo nassare koro'bang-koro'bang anjo nipattantua. Jari ibada tojenga nipatappasa'mi naung ri buttaya. Anjo tanruka a'jarimi pattujunna lalang sikontu panggaukanna.

DANIEL 8:12 Iomraidhean Croise

AYUB 12:6

Mingka katallassanna paellaka tena niancangi; tau barania ambaliangi Allata'ala, amangi tallasa'na. Na rewataja a'jari panrannuanna ke'nanga, kagassingang kalennaji bawang napattoang.

PAMMUJI 119:142

KaadelanTa attahangi satunggu-tungguna, siagang tulusu' tojenna hukkunTa.

PAMMUJI 119:43

Kitulunga' untu' tulusu' ampaui annabaya, saba' manrannuanga' mae ri kaputusanTa.

PAMMUJI 28:5

Tanajampangiai ke'nanga panggaukanNa Batara, yareka apa le'baka Nagaukang. Jari lanihukkummi ke'nanga ri Batara, siagang laniposso'mi ke'nanga sa'genna satunggu-tungguna.

YESAYA 59:14

Nipakabellami hukkung adeleka, siagang nipalilimi kaadelanga. Nibawang-bawangngammi kalambusanga ri tampa'-tampa' tujaia, siagang nipasa'rimi pa'mai' maci'nonga.

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

DANIEL 11:28

Nampa anjo karaeng pa'rasangang waraka lammotereki mange ri pa'rasanganna angngerang barang-barang nirampasa' nagappaya. Napattantumi ri nyawana ero' angngancuruki agama napinawanga umma'Na Allata'ala. Lappaero'-eroki appanggaukang nampa ammotere' mange ri pa'rasanganna.

DANIEL 7:21

Ri wattunna kuparhatikang, a'bunduki anjo tanruka siagang umma'Na Allata'ala siagang nabetai ke'nanga.

DANIEL 8:4

Kuciniki anjo gimbala' lakia angngula' kalau', wara' siagang timboro'. Tena manna sikayu olo'-olo' akkulle attahang andallekangi yareka ta'lappasa' battu ri kakoasanna. Appaero'-eroki appanggaukang siagang sanna' tampona.

PAPPICINI' 13:7

Nipa'biang tommi angngewai siagang ambetai Umma'Na Allata'ala. Kammayatompa nipassareammi ri ia kakoasanga mae ri sikontu sukua, pa'rasanganga, bahasaya, siagang bansa-bansaya.

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”