DANIEL 8:1 - KITTA' MATANGKASA'

¹ Ri taung makatallu pamarentahanna Karaeng Belsyazar, anggappa' paccini' makarua.

DANIEL 8:1 Iomraidhean Croise

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 10:2

Anjo wattua mangea' ansa'laki kalengku ri tampa' sinoa nia' tallu daminggu sallona.

DANIEL 10:7

Kale-kalengku bawang anciniki anjo paccinika. Sikamma tau niaka kuagang tanacinikai, mingka lari ke'nanga mange accokko napakamma malla'.

DANIEL 11:4

Mingka ri coppo' kaporeanna, lareppeki siagang ta'bage-bagei kakaraenganna a'jari appa' bageang. Karaeng-karaeng teai jari-jarina lammarenta ansambeangi, siagang tena nasangkamma ia kagassinganna ke'nanga.

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

DANIEL 7:15

Sikamma anjo apa kucinika napakalingui siagang napakalussaki pa'maikku.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

DANIEL 8:15

Ri wattunna kuboya battuanna anjo apa kucinika, ti'ring nia'mo battu ri dallekangku ammenteng sangkamma tau.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;