DANIEL 7:9 - KITTA' MATANGKASA'

⁹ Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

DANIEL 7:9 Iomraidhean Croise

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

2 PATTOTTORANG 18:18

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo irate ri empoang kala'biranNa ri suruga, nampa sikontu malaekaka niaki ammenteng ri ampi'Na.

PAMMUJI 45:8

Nungai katojenganga siagang nukabirisi kaja'dallanga; lanri kammana, Allata'ala, Allata'alata Napile mako, siagang Napakate'ne mako la'biangang na karaeng maraenga.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

PAMMUJI 93:2

Kassaki empoanTa battu ri uru-uruna, battu ri satunggu-tungguta nia' memangKi'.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 49:38

Sikamma karaenna siagang pagawena ke'nanga laKuancuruki, nampa ri pa'rasanganna ke'nanga laKupaentengi empoang kakaraengangKu.

YEHEZKIEL 1:26

Irate ri anjo pattongkoka nia' kucini' kamma empoang karaeng nipareka battu ri batu nilang, nampa irate ri anjo empoanga nia'mo kucini' ammempo sangkamma tau.

DANIEL 7:13

Lalang paccinikku ri anjo bangngia, nia' kucini' sangkamma rupatau. Battui na nikulilingi ri rammang, nampa a'lampa mange ri Ia anjo mattallasaka satunggu-tungguna siagang nipappiassengang mae ri ia.

DANIEL 7:22

Nampa Ia anjo mattallasaka satunggu-tungguna battui nampa assare kaputusang Napattojeng umma'Na Allata'ala Kaminang Tinggia. Narapi'mi wattunna ke'nanga annarima koasa untu' ammarenta.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

HABAKUK 1:12

O Batara, battu rioloji naiKatte Allata'ala. IKatte Allata'alaku matangkasaka siagang mannannunganga. O Batara, Allata'alaku siagang pa'la'langangku, anjo bansa Babel Kipilei siagang Kipa'jari kassaki untu' anghukkungi ikambe.

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

MATIUS 28:3

Accayai rupanna nicini' anjo malaekaka kamma kila', na pakeanna sanna' sikali kebo'na.

MARKUS 9:3

PakeanNa a'jari sanna'mi kebo'na. Tena manna sitau tukang minatu ri lino akkulle assassa kamma anjo kebo'na.

LAMPA-LAMPANA 2:30

Le'ba'mi a'janji siagang assumpa Allata'ala mae ri Daud, angkanaya nia' sallang kalase'renna sossoranna Daud laniangka' ri Allata'ala a'jari karaeng. Lanri naassenna Daud anjo janjia, siagang ia na'bi tongi,

LAMPA-LAMPANA 2:33

Niangka'mi nai' ri empoang kaminang tinggia siagang nisaremi koasa ri Allata'ala, nampa Natarima RohNa Allata'ala, le'baka Napa'janjiang Manggea. Na anne apa nulangngereka siagang nucinika kamma-kamma anne iaminjo RohNa Allata'ala, Napaturunga mae ri kambe.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

1 YOHANES 1:5

Iaminne biritta le'baka nalangngere' ikambe battu ri Ana'Na siagang eroka napabattu ikambe mae ri kau ngaseng: Iaminjo Allata'ala singaraka, siagang tena sikali apa-apa sassang ri Ia.

PAPPICINI' 1:14

Uu'Na keboki sangkamma bulunna gimbalaka, kebo'Na sangkamma le'baki kapasa'. MatanNa a'rinra-rinrai sangkamma pepe';

PAPPICINI' 19:18

Maeko angkanrei assinna ngaseng karaenga, panglimaya, siagang assinna tau rewaya; maeko angkanrei assinna sikamma padongko' jaranga siagang jaranna ngaseng, kammayatompa assinna sikontu rupataua, tau lompo yareka tau ca'di, ata yareka tau bebasa'!”

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.

PAPPICINI' 4:2

Anjo wattua Nakoasai memamma' RohNa Allata'ala. Nampa nia' kucini' ri suruga se're empoang kala'birang, na nia' tau ammempo ri anjo empoang kala'biranga.