DANIEL 7:18 - KITTA' MATANGKASA'

¹⁸ Mingka umma'Na Allata'ala Kaminang Tinggia lannarimai ha' untu' ammarenta siagang anjo pamarentahanna lattahangi satunggu-tungguna.”

DANIEL 7:18 Iomraidhean Croise

PAMMUJI 45:16

Akkio' rannumi ke'nanga ma'reja-reja ri wattu niantara'na antama' ri balla' lompona karaenga!

PAMMUJI 49:14

Kammaminjo sarenna tau ampattoangiai kalenna, siagang allo ri bokona tau sukkuka nasa'ring ri kana-kananna.

YESAYA 14:2

Jai bansa lantulungi bansa Israel untu' ammotere' mange ri pa'rasangang Napassareanga Batara mae ri ke'nanga, anjoreng, anjo bansa-bansa maraenga la'jari atai mae ri tu Israel. Lanatahangi tu Israel tau le'baka antahangi ke'nanga, siagang lanaparentai tau le'baka anjallakkangi ke'nanga.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

DANIEL 7:17

Nakana, “Anjo appaka olo'-olo' sanna' lompona, iamintu appa' kakaraengang lammumba ri lino.

DANIEL 7:22

Nampa Ia anjo mattallasaka satunggu-tungguna battui nampa assare kaputusang Napattojeng umma'Na Allata'ala Kaminang Tinggia. Narapi'mi wattunna ke'nanga annarima koasa untu' ammarenta.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

OBAJA 1:17

“Mingka ri Bulu' Sion, lania' lasalama', siagang anjo buluka a'jari tampa' nisa'la' untu' iNakke. Jari jari-jarina Yakub lanapatangi ammotere' butta pisakana ke'nanga.

LUKAS 1:33

Siagang lammarentai salaku Karaeng satunggu-tungguna ri boe-boena Yakub. Tena kala'busanna bateNa lammarenta.”

1 KORINTUS 6:2

Tenaka nanuassengi angkanaya umma'Na Allata'ala langngadeli anne linoa? Jari punna ikau memang langngadeli anne linoa, maka tanukulleai ampassilolongangi anjo parkara kammaya ca'dina?

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

EFESUS 6:12

Nasaba' teai rupataua bawang laniewa, passangalinna kagassinganna pole setang-setang makoasaya ri anne jammang ja'dalaka. Ia laniewaya iamintu kagassinganna pole roh-roh ja'dalaka, makoasaya todong ilalang ri anne linoa.

PAPPICINI' 20:4

Nampa kucini' sikamma anjo empoang kala'biranga siagang sikamma tau niaka ammempo irate nisarei koasa untu' annappuki hukkungang. Kucini' tommi nyawana sikamma tau le'baka nisamballe passabakkang a'jari sa'bina ke'nanga ri passala'na Isa, siagang napa'la'bang pappasang battua ri Allata'ala. Yangasenna anjo taua tanasombayai olo'-oloka, yareka patunna. Tena todong nale'ba' ke'nanga anggappa pammatei battu ri anjo olo'-oloka, iamintu pammatei irateanganna kanynyinna yareka ri limanna ke'nanga. Jari attallasa' poleammi ke'nanga siagang ammarentami a'jari karaeng ke'nanga sisa'bu taung sallona siagang Almasi.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 5:10

Kipa'jarimi ke'nanga se're bansa nisa'laka iamintu bansa imang-imang sollanna nalayani ke'nanga Allata'alata, nammarenta irateanganna linoa.”