DANIEL 7:14 - KITTA' MATANGKASA'

¹⁴ Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

DANIEL 7:14 Iomraidhean Croise

PAMMUJI 102:22

Nalanikabarrang arenNa ri Sion, siagang lanipuji-puji ri Yerusalem,

PAMMUJI 103:19

Ammarentai Batara ri suruga, Ia Karaeng makoasa mae ri sikontu-kontuna.

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

PAMMUJI 146:10

Anjo Batara Karaeng satunggu-tungguna. He Sion, Allata'alanu makoasa lalang sikontua jammang. Pujimi Batara!

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 72:11

Sikontu karaenga lasu'juki ri dallekanna, sikontu bansaya a'jari ata-atanna.

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

PAMMUJI 8:6

Mingka Kiangka'mi ke'nanga la'biring sinrapang Allata'ala, Kipipakei kalompoang siagang kala'birang.

YESAYA 16:5

Nampa nia' sitau turunganna Daud la'jari karaeng, na lanaparenta bansana siagang pangngamaseang tamamminraya. Lanapaentengi kaadelanga siagang langngallei linta' tindakang untu' anggaukangi katojenganga.)

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YESAYA 9:7

Napabattumi Batara hukkunganga mae ri kakaraenganna Israel.

DANIEL 2:35

Rumbang silalonnami anjo patunga nampa a'jari tambungang bassi, butta pi', tambaga, pera', siagang bulaeng; ancuru' taba sikalimi anjo patunga sangkamma limbu'bu' niaka ri tampa' pa'lessorang gandunga punna wattu timoro'. Anri'ba'-ri'ba'mi anjo timbunganga niiri' ri anging, sa'genna tena sikalimo bate-batena manna sike'de'. Mingka anjo batu anrumbangai anjo patunga a'jari pila' lompomi sangkamma moncong lompona na napirassi sikontu buttaya.

DANIEL 2:37

Karaengku mala'birika, iami karaenna sikamma karaenga; ikattemi karaeng kaminang makoasaya. Allata'ala ri suruga le'ba' assareki anne kakaraenganga, kakoasanga, kagassinganga siagang kalompoanga.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 3:4

akkio' lompomi pambantuna karaenga angkana, “Sikamma sari'battang battua ri sikontu bansaya, suku bansaya siagang bahasaya! Pilangngeri anne parentana karaenga:

DANIEL 4:3

Tamaka lompona gau' lompo Nagaukanga! Tamaka heba'na gau' appakalannasa' le'baka Nagaukang! Allata'ala a'jari Karaeng satunggu-tungguna. Ia koasa ri sikontuna jammanga.”

DANIEL 6:26

Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!

DANIEL 7:18

Mingka umma'Na Allata'ala Kaminang Tinggia lannarimai ha' untu' ammarenta siagang anjo pamarentahanna lattahangi satunggu-tungguna.”

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

OBAJA 1:21

Pandudu'na Yerusalem porea lanabunduki Edom nampa nabeta. Nampa iNakke Batara lammarenta salaku karaeng.”

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

LUKAS 1:33

Siagang lammarentai salaku Karaeng satunggu-tungguna ri boe-boena Yakub. Tena kala'busanna bateNa lammarenta.”

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

YOHANES 12:34

Nakanamo anjo tau jaia ri Ia, “Manuru' Kitta' Hukkung niaka ri kambe, anjo Karaeng Mappasalamaka lattallasaki sa'genna satunggu-tungguna. Antekamma Nukkulle angkana musti nipakatinggi anjo Ana' Ma'rupataua ri lino? Inaika anjo Ana' Ma'rupataua?”

YOHANES 3:35

Nakamaseangi Manggea Ana'Na, na Napassareang ngasemmo koasaya ri Ana'Na.

IBRANI 12:28

Lanri kammana, paralluki' appala' sukkuru' mae ri Allata'ala, lanri nitarimana battu ri Allata'ala, kakaraengang tenaya nakkulle ta'goccang. Paralluki' appala' sukkuru' siagang mappakala'biri' anynyomba mae ri Ia siagang malla', situru' cara Nakaerokia KalenNa Allata'ala.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.