DANIEL 6:26 - KITTA' MATANGKASA'

²⁶ Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!

DANIEL 6:26 Iomraidhean Croise

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

EZRA 7:21

Mae ri sikontu pangngurusu' doe' pamarentaya ri propinsi Efrat bageang ilau', kuparentakangi sollanna manna apa-apa mamo napala' Imang Ezra, panrita HukkunNa Allata'ala makoasaya ri suruga, musti nisarei linta',

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

PAMMUJI 146:10

Anjo Batara Karaeng satunggu-tungguna. He Sion, Allata'alanu makoasa lalang sikontua jammang. Pujimi Batara!

PAMMUJI 2:11

Manynyombako ri Batara numannuruki,

PAMMUJI 29:10

Makoasai Batara ri a'ba lompoa, makoasai salaku Karaeng sa'genna satunggu-tungguna.

PAMMUJI 42:2

Sanrapang jonga nakku' ri je'ne' binanga, kammaminjo nakku'na nyawaku ri Katte, o, Allata'ala.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 9:7

Napabattumi Batara hukkunganga mae ri kakaraenganna Israel.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 3:29

Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”

DANIEL 4:3

Tamaka lompona gau' lompo Nagaukanga! Tamaka heba'na gau' appakalannasa' le'baka Nagaukang! Allata'ala a'jari Karaeng satunggu-tungguna. Ia koasa ri sikontuna jammanga.”

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

DANIEL 6:20

Ri wattu subua ambangummi nai' karaenga nampa karo-karo a'lampa mange ri leang singaya.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

MALEAKHI 3:6

“INakkemi Batara, siagang tale'baKa' amminra. Lanri kammana, ikau ngaseng jari-jarina Yakub, tena nipanrakiko.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

LUKAS 1:33

Siagang lammarentai salaku Karaeng satunggu-tungguna ri boe-boena Yakub. Tena kala'busanna bateNa lammarenta.”

LUKAS 12:5

Baji'mi punna Kupauangko inai musti nukamallakkang. Iamintu, malla' mako ri Allata'ala. Nasaba' Iami akkulle ambunoko, siagang punna le'ba' mako Nabuno, akkulle tongko' Napantama' ri naraka! Tappa' mako, angkanaya Iaji bawang siratang nukamallakkang.

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

ROMA 9:26

Siagang kere-keremae tampa' nikanaya ri taua, ‘Teaiko ummakKu,’ anjoremmi taua laniareng ana'-ana'Na Allata'ala attallasaka.”

PAOLE 5:26

Niakka rupatau akkulle tuli attallasa' le'ba'namo nalangngere' Allata'ala mattallasaka a'bicara battu lalang ri pepeka?

1 TESALONIKA 1:9

Nacarita ngasemmi taua antekamma batenu antarimai ikambe pirangalloang, ri wattunna battu ikambe mae ri kau. Nacaritami ke'nanga antekamma batenu ambokoi sikamma barhalaya nunampa battu mae ri Allata'ala mattallasaka siagang tenaya ruanna untu' anynyomba mae ri Ia.

IBRANI 12:29

Nasaba' anjo Allata'alata sanrapangi pepe' appakamutunga.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”

1 SAMUEL 17:36

Le'ba'mi atanta ammuno singa siagang beruang. Na anjo tu Filistin kapereka lasangkamma tommi sarenna anjo sikamma olo'-olo' kubunoa, nasaba' barani anghinai tantaraNa Allata'ala attallasaka.