DANIEL 6:15 - KITTA' MATANGKASA'

¹⁵ Nalangngere'na karaenga anjo kammaya, a'jari si'nami siagang ranggaselami pa'mai'na, sa'genna a'boyami akkala' untu' ampasalamaki Daniel. Sa'genna pole karuenga tuli appikkiri' iji karaenga.

DANIEL 6:15 Iomraidhean Croise

ESTER 8:8

Mingka anjo sura' le'baka nitulisi' siagang nisitempele' lalang arenna karaenga, takkulleai nibeso' ammotere'. Mingka kusare ngasengko ising untu' annulisi' sura' ri passala'na bansa Yahudia, apa-apa mamo nukanaya baji' ri panggappanu. Tulisi'mi anjo suraka lalang arengku, siagang saremi sitempele'na karaenga.”

DANIEL 6:12

Ri wattunna nicini' Daniel ri musu-musunna appala' doang ri Allata'alana,

DANIEL 6:8

Ikambe ngaseng anne angngurusukai kakaraenganta, baji' sikamma pangawasa', sikamma guburnur, wakkele'-wakkele' guburnur kammayatompa pagawe-pagawe maraengannaya, assituju kabusu' maki' untu' angngussuluki mae ri katte karaeng, sollanta appasulu' sura' parenta, mustia nituruki tojeng-tojeng. Kiparentakang laloi sollanna lalang tallumpulo allo tena manna sitau nipa'biang appala' doang mae ri kalase'renna rewataya yareka rupataua, pantaranganna mae ri kalenta bawang. Inai-nai andakkai anjo parentaya lanipasambilai antama' ri leang singaya.