DANIEL 6:14 - KITTA' MATANGKASA'

¹⁴ Nampa nakanamo ke'nanga ri karaenga, “Daniel, kalase'renna tunipelaka battu ri Yehuda, tena najampangiki' karaeng, siagang nabawang-bawangngangi parentata. Ta'atoroki appala' doang tappintallu siallo.”

DANIEL 6:14 Iomraidhean Croise

ESTER 3:8

Nampa nakanamo Haman ri karaenga, “O, karaeng, nia' se're bansa mara'-maraeng a'la'bang ri sikontu propinsia ri anne pa'rasanganga. Assisala sikali ada'-ada'na ke'nanga siagang bansa-bansa maraenga. Taerokai ke'nanga mannuruki ri sikamma atorang niaka ri anne kakaraenganga. Jari, teaki' lappassangi ke'nanga a'gau' situru' ero' kalenna ke'nanga.

DANIEL 1:6

Ri sikamma anjo turungkaya nia' tommi Daniel, Hananya, Misael siagang Azarya, kabusu'na ke'nanga battu ri suku Yehuda.

DANIEL 3:12

Mingka nia' siapa are tu Yahudi le'baka kisare pamarentahang ri propinsi Babel ambawang-bawangngangi anjo parentata karaeng. Anjo ke'nanga iamintu Sadrakh, Mesakh siagang Abednego. Anjo ke'nanga taerokai anynyomba ri rewata-rewatanta karaeng, siagang tena todong naero' anynyomba ri anjo patung bulaeng le'baka kipaenteng karaeng.”

DANIEL 3:13

Nalangngere'na karaenga anjo kammaya, teaimi sipato' larrona. Appasulu'mi parenta sollanna nierang anjo tau tallua andallekang ri ia.

MARKUS 6:26

Nalangngere'na Herodes anjo apa napalaka, sanna'mi susana nyawana. Mingka takkulleami tanaturukiang, lanri le'ba'mi assumpa ri dallekanna ngaseng toananna.