DANIEL 5:7 - KITTA' MATANGKASA'

⁷ Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

DANIEL 5:7 Iomraidhean Croise

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

ESTER 3:1

Siapa are wattu ribokoanganna angngangka'mi Karaeng Ahasyweros sitau kapala pamarenta, iamintu niarenga Haman. Anjo Haman, ana'na Hamedata, turungang battu ri Agag.

KALAPPASSANG 7:11

Lanri kammana nasuro kio' tommi karaenga sikamma taunna niaka pangngissenganna siagang cara'deka a'bale'-bale' mata, nampa nagaukang todong kammaya siagang pangngissenganna ke'nanga.

PANGNGEBARANG 1:9

saba' anjo sikamma ajaranna ke'nanga natambai akkala' baji'nu, sanrapang belo-belo ri ulunnu siagang rante bulaeng ampakaga'gai tanja'nu.

KELONG MALA'BIRI' 1:10

Ga'gai pilisi'nu alla'na belo-beloa, kallong ga'ganu ammake rante paramata.

YESAYA 47:13

Mangngangko lanri jaina pappakainga'. Suromi sikamma pacinika maju untu' ampasalamakko; le'ba'mi naparessa ke'nanga sikontu panyingkulu'na langika na napilajari sikamma bintoenga, na ri tunggala' bulang berua natappui angkana apa kajarianna sarennu.

YEREMIA 50:35

Nakana Batara, “Panraki Babel siagang ra'ya'na, pagawe-pagawe pamarentana, kammayatompa sikamma tau cara'de'na!

YEHEZKIEL 16:11

Kubelo-beloiko siagang paramata, rante siagang ponto-ponto.

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 2:2

Lanri kammana anjo nakio'mi sikamma pacinika, sanro cara'deka, sanro-sanro maraenganga siagang sikamma tau niaka pangngassenganna, untu' ampakasingaraki battuanna anjo so'naya.

DANIEL 2:27

Appialimi Daniel angkana, “O Karaeng, tena tau niaka pangngassenganna, sanro cara'de', pacini' yareka tucara'deka accini' bintoeng akkulle ampauangki' anjo passalaka, karaeng.

DANIEL 2:48

Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.

DANIEL 2:6

Mingka punna nukulleji, lakusareko hadia ga'ga-ga'ga siagang kalompoang. Jari kamma-kamma anne pauamma' anjo so'naku siagang apa battuanna!”

DANIEL 4:14

Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

DANIEL 5:15

Sikamma tau cara'deka siagang pacinika le'ba'mi nacoba ambacai anne tulisanga siagang ampauanga' battuanna. Mingka takkulleai ke'nanga.

DANIEL 5:16

Silalonna kulangngere' angkanaya ikau akkulleko assungkei sikontu rahasiaya siagang anreppeki apa-apa sukkaraka. Punna akkulleko ambacai anne tulisanga siagang ampauanga' battuanna, lakusareko pakeang kakaraengang iamintu juba cura' lame butung siagang rante bulaeng pannanrai kalompoang. Pantaranganna anjo lakuangkakko a'jari tukoasa makatallu lalang ri kakaraengangku.”

DANIEL 5:29

Naparentakammi linta' Belsyazar pagawena sollanna napipakei Daniel juba cura' lame butung siagang nipatabai rante bulaeng kallonna. Nampa naangka' a'jari tukoasa makatallu lalang ri kakaraenganna.

PAMMILANGNGANG 22:17

Lakusareko passare jai sikali, siagang manna apa nukana tena takuturukinna. Battu mako mae, siagang tunraimi anjo bansaya untu' inakke.”

PAMMILANGNGANG 22:7

Jari a'lampami sikamma pamimpinna tu Moab siagang tu Midian angngerang passare untu' lanapassareang mae ri Bileam, sollanna ero' antunrai tu Israel. Battuna ke'nanga mange ri Bileam, napabattumi ke'nanga mae ri ia anjo pasanna Karaeng Balak.

PAMMILANGNGANG 24:11

Kamma-kamma anne akkulle mako a'lampa, ammotere' mange ri balla'nu! Kujanjiko lakusare sawala', mingka tanipa'biangngako ri Batara antarimai anjo sawalaka.”

1 SAMUEL 17:25

Massing para nakanamo ke'nanga, “Pilangngerimi kana-kana pa'ngarana! Le'ba'mi a'janji Saul karaenta angkana, inai-inai akkulle ambunoi Goliat, lanasarei hadia lompo. Lanapa'bunting tongi karaenga siagang ana' tulolonna. Nampa kaluargana manggena anjo taua tena nalanipitabai sima.”