DANIEL 5:30 - KITTA' MATANGKASA'

³⁰ Anjo memang bangngia nibuno memammi anjo Belsyazar karaeng Babel.

DANIEL 5:30 Iomraidhean Croise

YESAYA 47:9

Mingka poro sinampe'ji bawang, lalang siallo, nappada kajariang anjo ruaya passala'. Manna ammakeko baca-baca siagang pangngissengang, lanialle tonji bura'nennu siagang ana'nu.

YEREMIA 50:24

Nakana Batara, “Babel, angngewako ri Nakke, jari lanri kammana anjo naalle mako sikko' nutannanga untu' kalennu, mingka tanuassengai kalennu.

YEREMIA 51:11

Nakompami Batara sikamma karaeng Media, lanri eroki Naancuru' Babel. Iaminjo caraNa ambalasaki panggaukanna tau le'baka angngancuruki balla'Na. Sikamma komandang pasukang pa'bundukanga naparentakangi nakana, “Ciduki ana' pananu! Pasadiai pattahannu!

YEREMIA 51:31

A'le'basa'-le'basa'mi lari tunisuroa mange ampauangi karaeng Babel angkanaya nibundukimi kotana battu ri kere-keremae.

YEREMIA 51:39

Ri wattu cinna duduna ke'nanga angnganre, laKupasadiangi ke'nanga kanre, siagang laKupa'jari nasa'ringi ke'nanga sa'genna dangngala' ulunna nampa attinro natambangungamo poleang.

YEREMIA 51:57

LaKupa'jari nasa'ringi sikamma pagawena Babel – sikamma tau cara'de'na, sikamma pamimpinna siagang tantarana. Tenamo nalambangung-bangung ke'nanga ammotere', attinromi sa'genna satunggu-tungguna. INakkemi le'ba' a'bicara; iNakkemi Karaeng, iNakke Batara Kaminang Koasaya.

AMOS 6:7

Lanri kammana anjo, ikau ngasemmi uru-uru laniengka' mange ri butta pammelakkanga. Passua'-suarrannu siagang pangnganreang-pangnganreannu lakala'busammi.