DANIEL 4:7 - KITTA' MATANGKASA'

⁷ Mingka ri wattunna battu nampa kucarita anjo so'naku mae ri sikamma pacinika, sanro cara'deka, tau niaka pangngassenganna siagang tau cara'deka accini' bintoeng, tena manna sitau battu ri ke'nanga akkulle ampakasingaraki apa battuanna anjo so'naku.

DANIEL 4:7 Iomraidhean Croise

PA'JARIANG 41:24

Nampa anjo bulere' gandung bajika assinna nia'lu'mi ri anjo bulere' gandung opaya. Le'ba'mi kucarita anne ruaya so'naku mae ri sikamma pacinika, mingka tena manna sitau akkulle ampakasingaraki apa battuanna.”

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

PAMMUJI 37:35

Le'baka' accini' tu ja'dala' na nangai borro pauna; sanrapangi poko' coppong siagang lantang aka'na.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YEHEZKIEL 31:3

Ikau rapangko poko' camara Libanon gammaraka rassi tangke coppong leko'na na ga'ga. Poko'na lambusuki na lompo coppo'na narapiki rammanga.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 2:10

Nakana ngasemmo anjo tucara'deka, “Ri sikontu linoa tena manna sitau akkulle ampauangki' anjo apa kikaerokia karaeng. Siagang tale'bakai nia' se're karaeng, manna pole antekamma lompona siagang la'biri'na, antuntuki anjo apa kammaya mae ri pacinika, sanro cara'deka, kammayatompa sikamma tau tinggia pangngassenganna ri balla' karaenga.

DANIEL 2:27

Appialimi Daniel angkana, “O Karaeng, tena tau niaka pangngassenganna, sanro cara'de', pacini' yareka tucara'deka accini' bintoeng akkulle ampauangki' anjo passalaka, karaeng.

DANIEL 2:7

Appialimi pole ke'nanga angkana, “Kipauammi rolo ikambe anjo so'nata karaeng, le'bappi anjo nampa napakasingara' ikambe battuanna.”

DANIEL 3:8

Nia' siapa are tu Babel ampakei anjo kasampatanga untu' ambalai tu Yahudi.

DANIEL 4:18

He Beltsazar, iaminjo so'naku. Kamma-kamma anne paumi ri nakke apa battuanna anjo so'naku. Tena manna sitau battu ri sikamma tau cara'de' niaka lalang kakaraengangku akkulle ampauanga' battuanna, mingka ikau akkulleko, nasaba' nikoasaiko ri rohna rewata-rewata matangkasaka.”

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

DANIEL 5:8

Massing maju ngasemmi sikamma tau cara'deka, mingka manna sitau ri ke'nanga tania' akkulle ambacai anjo tulisanga siagang ampaui battuanna mae ri karaenga.