DANIEL 4:30 - KITTA' MATANGKASA'

³⁰ kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

DANIEL 4:30 Iomraidhean Croise

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

ESTER 1:4

Annambulang sallona napappicini'-cinikang karaenga kakalumanynyangnganna ri balla' karaenga siagang kalompoang kakaraenganna.

PAMMUJI 104:1

Pujimi Batara, he nyawaku! Tamaka malompoTa iKatte, o, Batara Allata'alaku! AmmakeKi' pakeang kagammarrang siagang kala'birang,

PAMMUJI 49:20

lanapinawang tonji boe-boena mae ri tampa' sassanga satunggu-tungguna.

PAMMUJI 73:8

Nacau-caui siagang napakka'-pakkanai taua, siagang akkana tampoi anggaratta' lanajallakkang taua.

PANGNGEBARANG 11:2

Tau borroa lanihinai; tau tuna pa'maika cara'deki.

PANGNGEBARANG 16:18

Kaborroanga angngerangi kapanrakang; katampoanga angngerangi karuntungang.

PANGNGEBARANG 29:23

Tau tampoa lanipakatunai; tau tuna pa'maika lanipuji.

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

DANIEL 4:31

Tenapa nakupuppusu' a'bicara nania'mo sa'ra kulangngere' battu ri langika, angkana, “He Karaeng Nebukadnezar, pilangngeri anne! Kakoasannu salaku karaeng niallemi battu ri kau.

HABAKUK 1:11

Nampa linta' kamma anging a'lampa ngaseng anjo tau ampare' rewatayai kagassingang kalenna.”

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

LUKAS 14:9

Na punna battu anjo taua tarpassa lanasuro mako patanna pa'gaukang a'lette' ammempo nakana, ‘Kipammopporang mama' naki'lette' ammempo, nasaba' anne kaderaya le'ba'mi nipasadiang anjo toana beru battua.’ Jari tarpassa lasiri'-siri' mako, nampa a'lettekko mange ri pammempoang ri boko dudua.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

PAPPICINI' 14:8

Battumi pole malaeka' ribokoanganna anjo malaeka' uru-urua; akkio'mi anjo malaeka' makaruaya angkana, “Tu'guru'mi! Tu'guru'mi kota Babel lompoa! Napa'jari nasa'ring ngasemmi je'ne' anggoro' sikontu bansaya ri lino, iamintu anggoro' battu ri napasu gau' bawanna!”

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

PAPPICINI' 17:5

Ri tompo' kanynyinna nia' tattulisi' areng, niaka rahasiana battuanna. Anjo arenga iamintu “Babel Lompoa, anronna sikontu pasundalaka siagang tau kodi sipaka ri lino.”

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

PAPPICINI' 18:21

Le'baki anjo, nia'mo malaeka' sannaka kassa'na angngangka' se're batu lompo, sangkamma batu pa'giling sannaka lompona, nampa napasambila antama' ri tamparanga, siagang nakana, “Kammaminne batena anjo kota Babel masahoroka lanipasambila sarring, sa'genna tenamo nalanibuntulu' ammotere'.