DANIEL 4:26 - KITTA' MATANGKASA'

²⁶ Naparentakangi sikamma malaekaka sollanna niboli' tonasa'na anjo poko' kayua lalang ri buttaya. Anjo battuanna angkanaya la'jari karaengi ammotere' karaengku, punna kianimo angkanaya Allata'ala angkoasai sikontu linoa.

DANIEL 4:26 Iomraidhean Croise

DANIEL 2:18

Nasuromi ke'nanga appala' doang mae ri Allata'ala ri suruga sollanna mangngamaseang mae ri ke'nanga na Nasungke rahasiana anjo so'naya. Lanri kammana anjo tenamo nanihukkung matei ke'nanga siagang kabusu' sikamma tau cara'de' maraenganga.

DANIEL 2:19

Anjo memang bangngia Napaumi Allata'ala rahasiana anjo so'naya mae ri Daniel lalang se're paccini'. Jari mammujimi Daniel mae ri Allata'ala niaka ri suruga,

DANIEL 2:37

Karaengku mala'birika, iami karaenna sikamma karaenga; ikattemi karaeng kaminang makoasaya. Allata'ala ri suruga le'ba' assareki anne kakaraenganga, kakoasanga, kagassinganga siagang kalompoanga.

DANIEL 4:15

Mingka lappassangi ammantang tonasa'na lalang ri buttaya. Sikkoki siagang rante bassi na tambaga, nampa nuboli' ri parang rukuka. Lappassangi nibasai ri allung, kammayatompa attallasa' siagang olo'-oloka siagang timbo-timboanga.

DANIEL 4:23

Nia' kicini' karaeng se're malaeka' naung battu ri suruga na nakana, ‘Ta'bangi anne poko' kayua siagang panraki, mingka lappassangi tonasa'na ammantang lalang ri buttaya. Sikkoki siagang rante bassi na tambaga, nampa boliki ri parang rukuka. Lappassangi nibasai ri allung, siagang attallasa' siagang olo'-oloka lalang tuju taung.’

DANIEL 4:31

Tenapa nakupuppusu' a'bicara nania'mo sa'ra kulangngere' battu ri langika, angkana, “He Karaeng Nebukadnezar, pilangngeri anne! Kakoasannu salaku karaeng niallemi battu ri kau.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.

MATIUS 21:20

Lannasa' ngasemmi ana'-ana' gurunNa Isa ri wattunna nacini' anjo kajarianga. Akkuta'nammi ke'nanga angkana, “Antekamma nakkulle mate silalonna anjo poko' araya?”

MATIUS 5:34

Mingka anne kamma Kukana ri kau ngaseng: tea' laloko assumpai. Teako assumpai lanri langika, nasaba' anjo langika empoang kala'biranNa Allata'ala;

LUKAS 15:18

Erokka' a'lampa, ammotere' mae ri manggeku, nampa kukana ri ia: O, Bapa', dorakama' mae ri Allata'ala siagang mae ri katte.

LUKAS 15:21

Nakanamo anjo anaka, ‘O Bapa', dorakama' mae ri Allata'ala siagang mae ri katte. Tenamo kusiratang nikana anatta.’