DANIEL 4:19 - KITTA' MATANGKASA'

¹⁹ Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

DANIEL 4:19 Iomraidhean Croise

PA'JARIANG 31:35

Nakanamo Rahel ri manggena, “Teaki' larroi Bapa', nasaba' takkullea' ammenteng anruppaiki', nasaba' battui bulangku.” Naboya baji'-baji'mi Laban anjo patunga, mingka tanabuntulai.

PA'JARIANG 32:18

Appiali mako angkana, ‘Atanta Yakub pata. Nakiringi anne untu' napanynyombang mae ri Esau, karaenna. Atanta Yakub niaki amminawang ri bokona ikambe.’ ”

PA'JARIANG 40:12

Nakanamo Yusuf, “Iaminne battuanna: Anjo tallua tangke, battuanna tallungngallo.

1 KARAENG-KARAENG 18:7

Ri tangngana aganga assibuntulu'mi Obaja siagang Elia. Naassennamo Elia, su'ju'mi untu' ampakala'biriki nampa akkuta'nang angkana, “Ikatte tojengka anne bapa' Elia?”

KALAPPASSANG 32:32

Poro Kipammopporang laloi dosana ke'nanga; punna tena, lu'lu'mi arengku battu kitta'na sikamma tau attallasaka.”

YEREMIA 29:7

Anjamako untu' kasalewanganna kota-kota nupammantangngia Kupela'. Appala' doangko mae ri nakke untu' kaparalluanna anjo kota-kotaya, nasaba' punna akkallumanynyangi anjo kotaya, ikau pole akkalumanynyang tongko.

YEREMIA 4:19

Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 2:26

Jari nakanamo karaenga ri Daniel iamintu niarenga todong Beltsazar, “Akkulleko ampauanga' angkana apa anjo so'naku siagang apa battuanna?”

DANIEL 2:37

Karaengku mala'birika, iami karaenna sikamma karaenga; ikattemi karaeng kaminang makoasaya. Allata'ala ri suruga le'ba' assareki anne kakaraenganga, kakoasanga, kagassinganga siagang kalompoanga.

DANIEL 4:24

O karaengku, iaminne battuanna anjo paccinitta, siagang iaminne le'ba' Natappukia KalenNa Allata'ala Kaminang Tinggia ri sesena kalenta.

DANIEL 5:12

Teai sipato' cara'de'na siagang porena kammayatompa panritana anjo taua ampakasingaraki so'naya, siagang ansungkei rahasiaya kammayatompa anreppeki sikamma apa sukkaraka. Arenna anjo taua iamintu Daniel, mingka niarengi Beltsazar ri karaenga. Suro kio'mi anjo taua. Iami lampauangi karaengku angkana apa battuanna anjo tulisanga.”

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

DANIEL 5:19

Antekamma malompona, sa'genna sikamma tau battua ri sikontu bansaya, suku bansaya siagang bahasaya, annekkereki siagang mallaki ri ia. Punna eroki ammuno tau, nabuno mami anjo taua. Punna eroki napasalama' se'rea tau, napasalamaki anjo taua. Napakatinggi siagang napakatunai taua situru' ero'na.

DANIEL 7:15

Sikamma anjo apa kucinika napakalingui siagang napakalussaki pa'maikku.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

HABAKUK 3:10

Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.

1 SAMUEL 24:8

Assulu'mi Daud battu ri anjo kali'bonga nampa akkio' ri bokona Saul angkana, “Karaeng!”

1 SAMUEL 26:15

Appialimi Daud angkana, “Abner, sai ikau kaminang heba' ri Israel? Angngapa natena nujagai pinggawanu, iamintu karaenga? Silalonna nia' tau ampantamakki kemanu ero' ambunoi karaennu.

1 SAMUEL 3:17

Akkuta'nammi Eli angkana, “Apa Napau Batara mae ri kau? Carita ngasemmi mae ri nakke. Punna nia' apa-apa nucokkoi, mattantu Nahukkungko Allata'ala.”