DANIEL 4:12 - KITTA' MATANGKASA'

¹² Leko'-leko'na sanna' copponna, siagang teai sipato' roasa'na rapponna, akkullei angganna' nikanre ri bonena sikontu linoa. Olo'-olo' liaraka anra'bai irawa ri la'lanna kammayatompa jangang-janganga a'ru'mungi ri tangke-tangkenna. Na sikontu apa-apa attallasaka akkullei nakanre rapponna.

DANIEL 4:12 Iomraidhean Croise

AYUB 12:24

Napa'lingui sikamma pamimpinga, sa'genna piti lampa-lampai tanaassengai lanatujua ke'nanga.

AYUB 14:7

Nia' ija panrannuanna poko' kayu nita'banga; laccu'la' poleangi, nampa attangke.

AYUB 14:9

mingka punna nisero ri je'ne', attimbo poleammi; sangkamma lamungang beru, ammumba poleammi cu'la'-cu'la'na.

PIRAUNG 4:20

Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

YEHEZKIEL 17:23

Ri moncong kaminang tinggi ri Israel Kupatinting. Anjorengi laccu'la' siagang a'rappo nampa a'jari poko' camara sannaka porena. Sangka' rupa jangang-jangang la'ru'mung anjoreng siagang a'la'lang irawanganna.

YEHEZKIEL 31:17

Lanarurungangi ke'nanga mange ri linona tau matea nampa asse're siagang ke'nanga rioloangnganga tu'guru'. Nampa sikontu anjo le'baka ammempo irawanganna anjo poko' kayua lanipasiaraki ri alla'na bansa-bansaya.

DANIEL 4:14

Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

MATIUS 13:32

Anjo lisere' lamunganga, iami lisere' lamungang kaminang ca'di ri linoa. Mingka punna attimbomo anjo lisere' lamunganga, iami a'jari poko' kaminang lompo ri sikamma lamung-lamungang niaka anjoreng. A'jarimi poko' lompo, sa'genna battumo jangang-janganga appare' ru'mung ri tangke-tangkenna.”

MARKUS 13:32

“Mingka manna nakamma mamo, tenanniakka tau angngassengi ringngapanna allonna yareka ringngapanna tette'na. Manna malaekaka ri suruga siagang manna Ana' Ma'rupataua tena todong Naassengi. Passangalinna Manggea bawang angngassengi.

MARKUS 4:32

Mingka ri wattunna attimbomo, iami a'jari poko' kaminang lompo ri sikamma poko'-poko' lu'muka poko'na. Sanna' copponna tangke-tangkenna, sa'genna akkulle napa'ru'mungi siagang napa'la'langi jangang-jangang.”

LUKAS 13:19

Lakammaminne pangngebaranna: Nia' silisere' parekang lamungang sannaka ca'dina lisere'na naalle taua nampa nalamung ri kokonna. Nampa attimbo anjo lamunganga, a'jari poko' kayu lompo. Battumi jangang-janganga appare' ru'mung ri tangke-tangkenna.”