DANIEL 4:11 - KITTA' MATANGKASA'

¹¹ Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.

DANIEL 4:11 Iomraidhean Croise

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

YEHEZKIEL 31:12

Anjo tantara bansa maraeng tenaya nangngasseng appamopporang lanata'bangi anjo poko'ka nampa nabalang parekang. Tangkenna anjo tepokamo tu'gu'-tu'guru' ngasemmi ri sikontu buluka siagang ka'bunga ri anjo pa'rasanganga. Sikontu bansa niaka irawa kakoasanna la'lampa ngasengi ambokoi.

YEHEZKIEL 31:5

Lanri tale'baka kurang je'ne'na, coppongi timbona, lompoi na la'bu tangkenna. Battu ri sikontu poko' kayu ri romang, iami kaminang tinggi nai'.

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.