DANIEL 3:21 - KITTA' MATANGKASA'

²¹ Nisikko'mi linta' anjo tau tallua sa'genna jarre', ammakeang langka', iamintu kameja, juba, topi siagang pakeang maraengannaya, nampa nipasambila antama' ri anjo pepe' a'rinra-rinraya.

DANIEL 3:21 Iomraidhean Croise

PA'JARIANG 39:20

Na naparentakammo sollanna nijakkala' linta' Yusuf nampa nipantama' ri tarungkua, tampa'na tahananna sikamma karaenga nikurung.

YEREMIA 29:22

Napunna anjo sikamma tau le'bakamo niengka' battu ri Yerusalem mange ri Babel eroki natunra taua, angkanai ke'nanga, ‘Poro Nagaukang lalo Batara mae ri kau sangkamma le'baka Nagaukang mae ri Zedekia siagang Ahab, le'baka nitunu attallasa' ri karaeng Babel.’

DANIEL 3:20

Nampa nasuro siapa are tau sannaka gassinna battu ri tantarana ansikkoki Sadrakh, Mesakh siagang Abednego, kammayatompa napasambila ke'nanga antama' ri anjo pepe' a'rinraya.

DANIEL 3:27

Sikontu wakkele' karaenga, guburnurka, bupatia, siagang pagawe-pagawe maraengannaya, natammulili anjo tau tallua siagang naciniki ke'nanga angkanaya tena sikali naniberoi ri pepe' anjo tau tallua. Tena nammutung uu'na ke'nanga, care-carena tena todong nakkanre, ba'lalo tena sikali na'rasa umbu ke'nanga.

DANIEL 3:6

Inai-nai tena naturuki anne parentaya, lanipasambila silalonnai antama' ri pepe' a'rinra-rinraya.”

MATIUS 13:42

Lanipela' ngasengi ke'nanga antama' ri bara pepe' a'rinra-rinraya; anjoremmi ke'nanga langngarru'-arru', angkasiaki sessaya.